Son moitos os beneficios do deporte, pero agora máis que nunca pensamos na súa repercusión sobre a nosa saúde. Así, hoxe presentámosvos un novo estudo que avala a importancia de facer deporte, xa que axuda a reforzar o sistema inmunitario. A Universidade de Costa Rica destaca que diferentes estudos a nivel mundial comprobaron que o exercicio ten un impacto profundo no funcionamento normal do sistema inmune do ser humano.
Comeza a investigadora lembrando que o sedentarismo e a inactividade física matan a máis persoas ao día que o COVID-19, só que o fai dunha forma moito máis lenta. Por iso, agora máis que nunca (despois de tanto tempo pechados en casa) é necesario facer exercicio, recuperar os bos hábitos, como dicimos sempre a nivel de exercicio, alimentación e descanso. Os alicerces fundamentais dunha boa saúde.
No artigo recóllense as opinións de Richard J. Simpson, Profesor Asociado nos departamentos de Ciencias da Nutrición, Pediatría e Inmunólogo da Universidade de Arizona. Simpson explica que o exercicio cardiorrespiratorio dinámico que involucra a todo o corpo, mobiliza miles de millóns de células inmunes, capaces de recoñecer e eliminar ás células infectadas con virus.
Estas células inmunes aumentan a vixilancia e fannos máis resistentes fronte a calquera axente infeccioso. Por iso, é de vital importancia que tentemos manter os nosos niveis de actividade física dentro das pautas recomendadas. A pesar de que actualmente non existen datos científicos acerca dos efectos do exercicio sobre os coronavirus, si hai evidencia de que o exercicio pode protexer ao hóspede de moitas outras infeccións virais, como o rinovirus (outro causante do arrefrío común).
Ademais, aínda que o exercicio non impide que nos infectemos se estamos expostos ao virus, si que é probable que nos axude a reducir ao mínimo os efectos prexudiciais do virus, para mellorar os nosos síntomas, para acelerar a nosa recuperación e para diminuír a probabilidade de que poidamos infectar a outras persoas.
Nesta ligazón, podedes ler o artigo ao completo.