Hai algo que todas as persoas do mundo comparten, aínda que o chamen de formas distintas. No Xapón, coñéceno como ikigai: 'a túa razón de ser', 'aquilo que lle dá sentido á túa vida e que fai que mereza a pena levantarse cada mañá'. Pero non é só unha idea xaponesa. Noutras culturas tamén existe, con outros nomes, outros matices… dharma, dao, ubuntu. Diferentes palabras para falar do mesmo: propósito. E aquí está o máis importante. O teu propósito non ten que ser algo extraordinario nin inalcanzable. Non ten que cambiar o mundo para ser valioso. Ás veces, o teu ikigai está no máis sinxelo: en coidar dos teus, en chegar á casa con enerxía e cun sorriso, en poder xogar cos teus fillos sen sentirte esgotado, en achegar algo positivo aínda que sexa pequeno, en sentirte ben contigo mesmo, co teu corpo, coa túa vida. Pode ser esa paixón que te fai vibrar. A música. O baile. Crear. Moverte. Sentir. Porque, ao final, o teu propósito non é o que fas… é como te fai sentir o que fas. E esta campaña nace precisamente para che axudar a reconectar con iso. Co que te move. Co que che fai ben. Co que te fai sentir vivo.