A APP Máis que Auga non deixa de crecer e de ampliar os seus servizos. Hoxe presentámosvos un novo servizo: un plan de alimentación adaptado ás necesidades do socio.
Trainingym diet é un módulo de xeración de dietas creadas por nutricionistas licenciados. Grazas a un algoritmo desenvolvido a partir dos últimos avances en tecnoloxía e nutrición, tgdiet xera plans de alimentación saudable dotados de respaldo profesional e científico.
Antes de comezar a explicarvos como funciona, queremos aclarar que este programa non vai dirixido ás persoas con patoloxías ou trastornos alimenticios. É un plan que busca axudar ás persoas para ter unha alimentación sa e equilibrada, xa que ás veces cústanos facelo sen ter unha guía que seguir. Pois para isto serve este plan! Presentarache unha planificación mensual de todas as comidas do día, á que poderás acceder a través da APP no teu móbil.
Durante os meses de xullo e agosto, este servizo terá un custo de só 4,99 euros ao mes e deberás contratalo na recepción de calquera dos nosos centros. Como funciona? Unha vez contratado, debes poñerte en contacto con calquera do noso técnicos/as, o cal accederá á túa ficha na que xa aparece unha información básica (idade, peso e altura, análise corporal…) que irá completando (obxectivo da dieta, cando e canto adestras, que tipo de adestramento…) para que o sistema teña a información necesaria para poder confeccionar a dieta. Con toda esta información, Trainingym diet determina as túas necesidades calóricas e confecciona un plan de alimentación san, flexible e adaptado ás túas necesidades, que ademais foi creado por nutricionistas.
Poderás acceder a este plan nutricional a través da APP ou ben no teu correo electrónico e mesmo achegará información sobre como deben prepararse as comidas. Se accedes a través da APP terás unha opción moi interesante, xa que che permitirá, no caso de que a comida que propoña non che guste ou ben non teñas os ingredientes para preparala, pedir outras alternativas ata que deas coa adecuada. Son menús deseñados con alimentos naturais e sinxelos de atopar, ademais de que contarás coas receitas, para poder levalas a cabo.