Os pequenos elixen deporte en Máis que Auga

As actividades infantís de Máis que Auga integran unha gama de exercicios para que os máis pequenos tomen contacto co deporte de xeito gradual e adaptado á súa idade.

O deporte non ten idade e a adquisición de hábitos deportivos é un proceso de asimilación que empeza desde moi cedo. Pero a certas idades é preciso contar co persoal máis preparado para combinar aprendizaxe e entretemento, ofrecendo a rapaces e rapazas unha ocasión de progresar e superar os seus propios retos, tanto en actividades de sala como en piscina.

En Máis que Auga podes contar co apoio dun adestrador persoal tamén para os rapaces e rapazas, co fin de mellorar o desenvolvemento deportivo específico en idades temperás, ou para axudar na recuperación de lesións.

Actividades para a aprendizaxe

As actividades de sala abranguen desde a loita e o exercicio físico ata o deporte coreografiado e con acompañamento musical.

As actividades de loita permiten desenvolver os variados aspectos físicos asociados ao deporte como son o equilibrio, o crecemento, a potencia e a coordinación muscular, e tamén o control emocional necesario nas actividades de contacto físico e grupal. Son tamén unha boa ocasión para a socialización, como todos os deportes en grupo e están dispoñibles para rapaces de 4 a 16 anos.
O Taekwondo é un deporte marcial ou de loita no que se usan as mans, as pernas e os pes para atacar ou defenderse do contrario. Ten unha longa traxectoria en Máis que Auga grazas á presenza da adestradora nacional María Batista, destacada xuíza internacional deste deporte desde 2005 e mellor xuíz árbitro de Galicia en 2015.
Os rapaces e rapazas de Máis que Auga participan en diversas competicións galegas ou exhibicións desta especialidade.
O Wodfit Kids e o Wodfit Junior son actividades que representan o primeiro contacto co exercicio físico para rapaces e rapazas de 4 a 14 anos. Unha gama ampla de exercicios funcionais combinados en series, que buscan o desenvolvemento específico de grupos musculares a través da acción e o xogo.
O box é o espazo específico para desenvolver estas actividades, nas que se empregan obstáculos e elementos ximnásticos de peso, equilibrio, axilidade ou forza nunha atmósfera de xogo.

O Pilates Kids adapta ao público infantil esta actividade de mellora postural realizada a través de exercicios de forza, control e flexibilidade, insistindo sempre no aspecto lúdico.
O Ioga Kids pertence tamén a esta gama de deportes de mellora física e emocional e da psicomotricidade, adaptados aos rapaces, que fomentan o autocontrol, a autoestima e a capacidade de concentración. Baséase en exercicios posturais, control respiratorio e relaxación.

O Zumba Kids e Zumba Xove son actividades baseadas no emprego da música e a coreografía para realizar movementos ximnásticos. Actividade caracterizada por unha atmósfera lúdica e participativa onde se traballa o exercicio físico con axuda de ritmos latinos desde a salsa ao reggaeton.

Actividad tonificante

En forma na piscina

Mellora o benestar