O traballo físico axuda a manter as túas defensas en forma fronte ao COVID-19

Durante todo este tempo de confinamento desde Máis que Auga insistímosvos en que fagades deporte en casa. Sabemos que é complicado, que ás veces os pisos son pequenos e entre os nenos, o teletraballo, a casa… todo complícase, pero… É necesario!

 

A actividade física queda reducida de forma drástica ao estar encerrados en casa e iso acentúase se o peche é nun apartamento onde os metros son escasos. Pero para iso tedes as nosas clases en directo (ou diferido) en Casagym, nas que os nosos técnicos Jana, Charles e Xandre adáptanse ás condicións do seu fogar e axúdannos a movernos e estar activos durante estas semanas de confinamento. Algo necesario por múltiples motivos, tanto físicos como psicolóxicos, tal e como nos explicou a psicóloga Eva López hai uns días. “Axuda por suposto a que o noso sistema    inmunolóxico estea forte, protexéndonos de calquera ataque externo, de enfermidades e de forma directa inflúe tamén nas nosas emocións, facéndonos sentir máis felices. Facer deporte non é só saudable directamente para o noso corpo, senón que é unha das mellores formas para sentirse ben e ser feliz”, concluía a nosa socia e psicóloga.

 

Pois todos os nosos consellos ven reforzados por estudos, como o realizado na Universidade de Bath, que atopou que manter unha rutina de exercicio diario regular pode axudar a manter un sistema  inmunolóxico saudable. Neste artigo de SportLife, fanse eco deste estudo e insisten na necesidade de facer deporte durante o confinamento xa que iso permitiranos manter nosas defensas inmunolóxicas en forma para plantarlle cara á infección polo COVID-19.

 

O Dr. James Turner, do Departamento de Saúde da Universidade de Bath, explica nas conclusións do estudo que “é importante que nos manteñamos activos e saudables durante todo o confinamento. Sempre realizando exercicio en casa, de forma illada e segura, poderemos axudar a manter mellor o funcionamento do sistema inmunitario, sen risco de diminuír as defensas fronte ás infeccións.”

 

Na seguinte ligazón podedes ler este artigo.