Son Director de operacións de Máis que Auga, posto que ocupo dende outubro de 2015, tras cinco anos como Director técnico. Son unha peza máis dun equipo de profesionais orientados por e para os clientes. Teño máis de quince anos de experiencia na xestión, dirección e coordinación técnica en diversas piscinas e centros deportivos. Son licenciado en Ciencias da Actividade Física e do Deporte, con formación específica en xestión de instalacións deportivas e desenvolvemento directivo en Fitness.

Son o director técnico de Máis que Auga Barreiro. Traballo dende hai máis de doce anos como adestrador de fútbol e preparador físico, técnico deportivo e en actividades dirixidas. Logo de seis anos en Máis que Auga, levo a xestión do equipo profesional de Barreiro e son responsable de xestión do centro. Son licenciado en ciencias da actividade física e o deporte. Actualmente estou cursando o programa de desenvolvemento directivo e gozo cada día axudando á xente a facer deporte.

Son o director técnico de Máis que Auga Coia. Chámome José Luís pero todo o mundo coñéceme por Lupo. Levo 23 anos exercendo como adestrador nacional de balonmán, técnico deportivo e adestrador persoal. De todos os deportes que fixen e nos que adestrei creo que o sorriso é o máis san. Teño comprobado con centos de clientes que o deporte non só o fai o corpo. Son licenciado en ciencias da actividade física e o deporte.

Son director técnico en Máis que Auga Navia, onde estou sempre dispoñible para os nosos usuarios e usuarias. Levo doce anos adicado ao deporte en corpo e alma e seis en Máis que Auga en diferentes postos de responsabilidade. Anteriormente traballei como preparador físico, técnico de sala fitness, en actividades dirixidas e como adestrador persoal. Son licenciado en ciencias da actividade física e o deporte, máster en actividade física, deporte e saúde e máster de desenvolvemento para directivos de fitness.