Son técnico deportivo en boxeo e kickboxing nas tres instalacións, onde traballo desde 2013. Algúns dos meus alumnos, chegaron a obter o primeiro posto en competicións autonómicas. Na actualidade tamén son árbitro de boxeo. Ademais traballo no departamento de atención ao cliente, ámbito no que me considero unha persoa con gañas de axudar aos demais, organizada e responsable. Son técnico superior en administración e finanzas.

Formo parte do departamento de Atención ao Cliente en Máis que Auga Barreiro. Levo no equipo dende os seus comezos, onde trato de combinar labores organizativas coas actividades máis comerciais. O trato directo co cliente permíteme aprender día a día e acumular experiencia. Son titulada en administración.

Formo parte do departamento de Atención ao Cliente en Máis que Auga Navia, onde estou a comezar a miña carreira profesional. O contacto constante cos nosos clientes permíteme desenvolver novas habilidades diariamente. Desfruto aprendendo e son monitora de tempo libre.

Formo parte do departamento de Administración de Máis que Auga Navia, onde cheguei tras cinco anos traballando noutros centros de Máis que Auga. A miña experiencia no trato co público e na resolución de incidencias fan que sexa a primeira a quen se acude cando hai algún problema. Son titulada en comercio internacional.

Son parte do departamento de Atención ao Cliente en Máis que Auga Navia. Levo seis anos en contacto cos nosos usuarios e usuarias nas nosas instalacións. Escoitar dáme a experiencia para poñerme na pel dos outros: algo imprescindible no labor que desenvolvo. Son titulada en administración e deseño de moda.

Formo parte do departamento de Atención ao Cliente e podes atoparme nas instalacións de Máis que Auga Barreiro. Teño coñecemento  e seguridade no meu traballo grazas a máis de dez anos de experiencia nos departamentos de administración doutros centros deportivos. Incorporeime a este equipo no 2015. Son licenciada en dereito.

Pertenzo ao departamento de Atención ao Cliente en Máis que Auga Coia, onde levo traballando dende hai tres anos. Anteriormente ocupei postos de administración e contabilidade nos sectores bancario e inmobiliario. Teño formación en secretariado internacional.

Formo parte do departamento de Atención ao Cliente en Máis que Auga Barreiro. O noso obxectivo é facer que a xente teña unha vida máis sá e feliz. Iso é o que intento transmitirlle sempre aos nosos usuarios e usuarias. Son titulada en administración.

Formo parte do departamento de Atención ao Cliente e podes atoparme nas instalacións de Máis que Auga Barreiro, onde levo traballando seis anos. A discreción e a corrección son dúas premisas que nunca esquezo no meu labor diario. Son técnico superior en artes gráficas.

Son a responsable do departamento Comercial de Máis que Auga. Levo 6 anos traballando neste equipo, onde adquirín experiencia en asesoramento e xestión comercial. Motívame buscar e barallar sempre varias opcións ata atopar a mellor para o cliente. Son titulada en administración comercial.

Traballo no departamento de Administración de Máis que Auga nas instalacións de Coia dende a súa apertura. Gústame resolver cuestións que lle facilitan o traballo aos meus compañeiros e lle fan a vida máis doada aos nosos usuarios e usuarias. Son diplomada en graduado social.