E se o sábado percorreremos Zamáns en bicicleta de montaña, para o domingo 27 temos unha dobre actividade para aqueles que prefiren camiñar. Será no mesmo contorna, parque forestal de Zamáns, pero algo moi diferente, que estamos seguros de que vos vai a encantar.

E cal é a gran sorpresa? Empezaremos o día, a partir das 9:30 horas desde o parque forestal de Zamáns, cunha clase de iniciación ao trail running, sobre un pequeno percorrido de 7 quilómetros. Será aproximadamente unha hora de actividade na que intercalaremos momentos de camiñar con outros de trotar e que permitirá a aqueles que lles apeteza, coñecer este deporte. Nesta actividade encantaríanos contar coa participación de xente xa iniciada, que queira axudar e acompañar aos principiantes, así que xa sabedes, sempre sodes benvidos/as!

E cando finalicemos esta iniciación (11:00 horas), despois duns minutos de relax, comezaremos o roteiro de sendeirismo de 11 quilómetros, que nunhas tres horas de paseo levaranos polos lugares máis bonitos e emblemáticos da zona do encoro de Zamáns e arredores. Como sempre, natureza, deporte e convivencia no mesmo pack! Ah, e que vos parece a posibilidade para comer todos xuntos no parque ao finalizar? Hai que repoñer forzas despois dunha mañá de actividade física e que mellor que facelo xuntos alí! Así que, se vos apetece, xa sabedes, uns tápers e a gozar da comida, a contorna e a compañía. Por certo, non esquezades que neste mesmo lugar realizaremos en decembro a nosa proba de orientación, coa que pecharemos o ano en canto a actividades OutExperience.

Non podemos esquecer os nosos consellos para que a actividade sexa plenamente satisfactoria: Calzado moi cómodo, roupa adecuada para facer deporte e algo para beber e comer. Ademais, a estas alturas de ano, estaremos moi atentos ás previsións meteorolóxicas, por se necesitamos meter algo máis de abrigo ou un chuvasqueiro, para evitar sorpresas desagradables.

Só quédanos lembrar que todas as persoas interesadas poden reservar a súa praza na recepción dos nosos centros ata completar o grupo. É unha actividade gratuíta para os nosos socios/as (aínda que deben ter activo o seguro anual para realizar actividades no exterior, que ten un prezo de 10 euros e unha vixencia dun ano). Os non abonados, ademais do seguro obrigatorio, terán que pagar 4,25 euros pola saída.

Aquí tedes a ligazón co percorrido en Strava do trail running e a andaina, así como do punto de saída.