Navia abre en setembro con agasallo para os 2.000 primeiros socios

20/08/2015

Máis que Auga Navia entrará en servizo a mediados de setembro. Os 2.000 primeiros socios da nova instalación recibirán coma agasallo un garda-todo, moi útil para gardar as cousas máis persoais mentres facemos deporte.  O novo centro de Máis que Auga Navia aumenta a oferta da empresa viguesa na cidade, que xa conta con magníficas instalacións deportivas en Coia e Barreiro.

A tarifa máis baixa de Máis que Auga Navia é de 19 euros (matinal, fin de semana e discapacitado), mentres que a premium é de 35 euros mensuais e da acceso aos tres centros de Máis que Auga, ademais de incluír un curso de pago de 1 día (excepto pádel), así como reservas de pistas de pádel de balde de luns a venres de 07.00 h a 17.00 horas.

Máis que Auga inviste  11 millóns de euros nas novas instalacións de Navia que contan con  16.000 metros cadrados cubertos para a práctica deportiva e inclúen 8 pistas de pádel cubertas, 5 salas de actividades, sala fitness de 1.000 metros cadrados e tres vasos  para natación, balneario e aprendizaxe. Como grandes novidades, Máis que Auga Navia contará cunha zona de ocio infantil, gabinete de nutrición e dietética, gabinete de masaxes e tratamento, cafetería  e un grande aparcamento, que será gratuíto para os socios. Os actuais socios de Máis que Auga en Barreiro e Coia poderán, se así o desexan, cambiar gratuitamente de centro antes do 31 de agosto.