Máis que Auga ten xa aberto o prazo de inscrición para participar nos grupos de running  dos centros de Barreiro, Coia e Navia que comezan a adestrar o 3 de outubro as nove da noite. Trátase dun grupo aberto a calquera persoa ou nivel.

Este ano, tal e como estipula a Lei do Deporte, é preciso que os participantes teñan formalizado un seguro de 9 euros, que será válido para toda a tempada ata o 30 de xuño. O seguro cóbrase  íntegramente independentemente do momento no que se realice a inscripción. Os adestramentos serán os luns e mércores as 21.00 horas mentres que os venres farase un adestramento unificado dos grupos dos tres centros (Coia, Barreiro e Navia) no parque de Castrelos.

No caso de que alguén chegue ao adestramento ese mesmo día sen ter formalizado o seguro non poderá participar ata a seguinte cita do grupo . Os grupos de running de cada centro estarán acompañado por un técnico titulado. De forma esporádica realizaranse adestramentos durante a fin de semana para preparar determinadas probas