Máis que Auga | Gimnasio en Vigo | Piscina | Pádel https://maisqueauga.com As mellores instalacións deportivas de Vigo Thu, 26 Mar 2020 18:07:58 +0000 gl-ES hourly 1 Neste encerro na casa, cociña tradicional e sa https://maisqueauga.com/neste-encerro-na-casa-cocina-tradicional-e-sa/ Thu, 26 Mar 2020 18:07:58 +0000 https://maisqueauga.com/?p=18438/ Neste encerro na casa, cociña tradicional e sa

The post Neste encerro na casa, cociña tradicional e sa appeared first on Máis que Auga | Gimnasio en Vigo | Piscina | Pádel.

]]>
Nestes días de confinamento en casa, a comida convértese nun dos temas estrela. Encerrados pode chegar a ansiedade, comemos máis do que debemos e cousas que non nos conveñen. Pero temos a fortuna de contar con Conchi  Adrover, a  nutricionista de  Máis que  Auga, quen nos dá uns consellos prácticos para levar o mellor posible o peche en casa.

  1. Preparar un menú semanal. É algo moi sinxelo, pero axudarache á hora de facer a compra e de repartir os alimentos. Ao realizar o menú semanal, terás máis fácil realizar a compra e non encher o carro de produtos innecesarios e que ao final se estragan. Ademais, moitas veces coas sobras dun día podes facer comida para outros… É cuestión de organizarse!
  2. Escapar de ultraprocesados no carro da compra. Á hora de facer a compra, tenta obviar os alimentos ultraprocesados”, que son os peores para a saúde. Así que mellor aposta polos alimentos “de verdade” que che axudarán a ter unha alimentación mellor para ti e os teus.
  3. Composición dun menú saudable. Que debe incluír o noso menú semanal para que estea equilibrado? Debe contar con 1 ou 2 días nos que comamos legumes, 1 de carne vermella (é máis que suficiente), 1 ó 2 de carne branca e completamos o resto da semana con peixe e ovos, un pouco en función dos gustos dos integrantes da familia. E ademais, á hora de formar o teu prato diario, o ideal é que o dividamos en tres partes: A metade do prato será para as verduras, ¼ para calquera das proteínas que nos corresponda e o cuarto restante para grans integrais (fariña, pastas, arroz, patacas…)
  4. Que comer entre horas. É certo que ao ter máis horas mortas en casa, é maior a posibilidade de achegarnos ata a cociña para ver que podemos picar entre horas. O mellor neses casos é acudir á froita ou os froitos secos (pero que sexan naturais ou tostados).
  5. Rescata pratos tradicionais. É o momento de botar man das receitas da avoa e recuperar eses pratos que necesitan máis tempo e moito agarimo. Así que non o dubides, chama a mamá e pídelle ese prato da túa nenez que aínda lembras e que nunca podes facer por falta de tempo.
  6. Goza da cociña. É o momento. Non hai escusa. Podes poñerte ao choio e facer esas receitas que nunca te atreviches, ou inventar algún prato, ou cociñar cos pequenos da casa, seguir algún dos moitos directos que os cociñeiros deste país están a realizar durante o confinamento… É o momento de poñer moito amor en todo o que fagas e na cocina iso é imprescindible.

 

Todos estes consellos e moitos máis son os que Conchi  Adrover darache o vindeiro luns 30 de marzo (18:00 horas) no taller que ofrecerá a través de internet (non pode ser doutra maneira), no que dará ideas para organizar un menú do máis saudable. Iremos informando!

 

The post Neste encerro na casa, cociña tradicional e sa appeared first on Máis que Auga | Gimnasio en Vigo | Piscina | Pádel.

]]>
Deporte na casa para todos con Máis que Auga! https://maisqueauga.com/deporte-na-casa-para-todos-con-mais-que-auga/ Wed, 18 Mar 2020 20:12:59 +0000 https://maisqueauga.com/?p=18414/ Deporte na casa para todos con Máis que Auga!

The post Deporte na casa para todos con Máis que Auga! appeared first on Máis que Auga | Gimnasio en Vigo | Piscina | Pádel.

]]>

Ante esta situación de alarma sanitaria, Máis que Auga non pode permanecer inactiva e por iso, da un paso adiante cunha acción pensada para todos os cidadáns vigueses. Así, dende hoxe teremos na nosa web unha serie de vídeos de adestramentos, realizados polos nosos técnicos, para que todo o que queira poida gozar deles de forma totalmente gratuíta ata o próximo día 31 de marzo.

 

Así, poderedes facer unha sesión de zumba con Charles ou Sandra; seguir o ritmo de Javi V. ou Jesús nas súas clases de Body Combat ou apostar polo taekwondo infantil da man de María Bautista. E tamén contaremos coas nosas clases de pilates, hipresivos ou estiramentos. Para todos os gustos e idades, e adaptados para que poidamos facelo no salón de casa ou no pasillo.

Máis que Auga, dende a súa fundación fai preto de dez anos, apostou por cumprir coa súa responsabilidade social e adquiriu un compromiso coa sociedade viguesa, que agora está más presente que nunca. Por iso, queremos ofrecer en aberto estas alternativas deportivas e de entretemento neste momento de “peche colectivo en casa”.

The post Deporte na casa para todos con Máis que Auga! appeared first on Máis que Auga | Gimnasio en Vigo | Piscina | Pádel.

]]>
Como acceder ás clases virtuais na APP Máis que Auga https://maisqueauga.com/como-acceder-clases-virtuais-na-app/ Wed, 18 Mar 2020 17:25:17 +0000 https://maisqueauga.com/?p=18405/ Como acceder ás clases virtuais na APP Máis que Auga

The post Como acceder ás clases virtuais na APP Máis que Auga appeared first on Máis que Auga | Gimnasio en Vigo | Piscina | Pádel.

]]>

Pese ao encerro obrigatorio provocado pola crise do COVID-19, non temos que deixar de facer exercicio! Os nosos socios e socias poderán acceder a máis de 350 clases virtuais a través da nosa APP de forma totalmente gratuíta ata o 31 de marzo.

 

Se tes activa a APP no teu móbil e a utilizas habitualmente, non terás problema algún! Simplemente tes que despregar o menú e acceder a pestana de virtuais, onde poderás elixir entre as diferentes modalidades.

 

Cal pode ser o problema? Es novo socio e aínda non activaras a APP? Esqueciches a túa contrasinal para acceder á APP?  No momento no que te deches de alta en Máis que Auga enviáronche un correo electrónico de benvida dende onde tes acceso para crear a túa clave, así que se aínda o conservas podes acudir a este correo para dende aí crear a túa clave.

Se xa tiñas unha contrasinal e non a lembras, o proceso é sinxelo. Ao acceder á APP aparece unha pantalla na que te piden usuario/e-mail, onde porás o correo electrónico que facilitaches a Máis que Auga. Debaixo aparece “contrasinal” (a que non recordas) e na parte inferior da pantalla aparece “obter/recuperar contrasinal”, que será onde debes marcar. Recibirás un correo electrónico cun enlace para poñer unha nova contrasinal (a que ti decidas) e unha vez o fagas e remates ese proceso, xa poderás acceder á APP coa nova clave de acceso.

 

No seguinte vídeo podes ver os pasos para recuperar a contrasinal, tal e como te acabamos de indicar.

Como acceder á APP

Se se produce algún erro e non funciona o restablecemento de contrasinal, envíanos un correo electrónico a info@maisqueauga.com, e solucionaremos o problema coa máxima celeridade.

The post Como acceder ás clases virtuais na APP Máis que Auga appeared first on Máis que Auga | Gimnasio en Vigo | Piscina | Pádel.

]]>
Conxelamos as cotas ata que volvamos abrir as portas https://maisqueauga.com/conxelamos-cotas-ata-que-volvamos-abrir-portas/ Tue, 17 Mar 2020 20:22:37 +0000 https://maisqueauga.com/?p=18432/ Conxelamos as cotas ata que volvamos abrir as portas

The post Conxelamos as cotas ata que volvamos abrir as portas appeared first on Máis que Auga | Gimnasio en Vigo | Piscina | Pádel.

]]>
Nestes complicados días para todas e todos as prioridades son máis claras.  Máis que  Auga sempre tivo moi claro que a súa prioridade eran os seus abonados e iso refórzase aínda máis nesta situación de emerxencia. Por iso, a empresa quere pedir a toda a súa masa social que non se dea de baixa durante esta crise sanitaria xa que “se a instalación está pechada, non se pasará recibo algún”. Desta forma, as cotas permanecerán “conxeladas” ata que podamos volver abrir as portas dos nosos centros de Barreiro,  Coia e Navia. E asegurámosvos que volveremos con máis forza que nunca!

 

Ademais, nos próximos días presentaranse alternativas para compensarvos eses días de marzo nos que non pudistéis acudir ás nosas instalacións ao atoparse pechadas polo estado de alarma decretado polo Goberno central con motivo da pandemia do  COVID-19.

 

Máis que Auga xa puxo en marcha iniciativas para seguir ao voso lado durante estas semanas de peche, grazas aos vídeos de adestramento que tedes á vosa disposición na APP, así como a oferta que vos presentamos en  Casagym.

 

Queremos vervos adestrar e gozar en familia na vosa casa xunto aos vosos monitores de sempre!

The post Conxelamos as cotas ata que volvamos abrir as portas appeared first on Máis que Auga | Gimnasio en Vigo | Piscina | Pádel.

]]>
Máis que Auga pecha as súas portas ata o 29 de marzo pola crisis do COVID-19 https://maisqueauga.com/mais-que-auga-pecha-suas-portas-ata-o-29-de-marzo-pola-crisis-covid-19/ Fri, 13 Mar 2020 19:06:17 +0000 https://maisqueauga.com/?p=18257/ Máis que Auga pecha as súas portas ata o 29 de marzo pola crisis do COVID-19

The post Máis que Auga pecha as súas portas ata o 29 de marzo pola crisis do COVID-19 appeared first on Máis que Auga | Gimnasio en Vigo | Piscina | Pádel.

]]>
A crisis do COVID-19 que está a sacudir con forza a todo o país obriga a Máis que Auga a pechar as súas portas dende hoxe día 13 ata o 29 de marzo, tras recibir a correspondente notificación desde o Concello de Vigo. Nos últimos días as autoridades sanitarias foron anunciando medidas para tentar combater este virus de rápida propagación e agora chegou o momento de decidir o peche temporal das nosas instalacións.

 

Para Máis que Auga o máis importante é a saúde e seguridade de usuarios e traballadores e por iso dende hai varios días a empresa xa puxera en marcha medidas de prevención, aumentando en máis dun 25% as horas de limpeza das instalacións, instalando dosificadores de xel desinfectante para os nosos clientes nos centros e aplicando plans de actuación, polos que se reduciron aforos e o contacto físico no centro. Pero a crise foi en aumento e as autoridades consideraron necesario dar un paso máis adiante nas medidas para frear a expansión do virus.

 

Máis que Auga quere pedir desculpas a todos os seus abonados e cursillistas polas molestias que lles poida ocasionar este peche e anuncia xa que a empresa está a estudar compensacións para aos usuarios por estes días nos que non poderán acudir ás súas instalacións. Estas medidas serán anunciadas nos vindeiros días

The post Máis que Auga pecha as súas portas ata o 29 de marzo pola crisis do COVID-19 appeared first on Máis que Auga | Gimnasio en Vigo | Piscina | Pádel.

]]>
Ante o COVID-19, prevención, rigorosidade, tranquilidade e información https://maisqueauga.com/ante-o-covid-19-prevencion-rigorosidade-tranquilidade-e-informacion/ Wed, 11 Mar 2020 10:50:11 +0000 https://maisqueauga.com/?p=18247/ Ante o COVID-19, prevención, rigorosidade, tranquilidade e información

The post Ante o COVID-19, prevención, rigorosidade, tranquilidade e información appeared first on Máis que Auga | Gimnasio en Vigo | Piscina | Pádel.

]]>
Prevención, rigorosidade, tranquilidade e información. Esas son as pautas de actuación que seguiremos en Máis que Auga con respecto á situación que se está vivindo en España polo  COVID-19.  Máis que  Auga, seguindo as pautas marcadas polas autoridades sanitarias, decidiu tomar unha serie de medidas de prevención nos seus centros deportivos, porque para nós o prioritario é a seguridade dos nosos traballadores e usuarios.

 

Desta forma, quizais vos destes conta de que desde hai uns días incrementouse en máis dun 25% as horas do servizo de limpeza nos nosos ximnasios, facendo especial fincapé nos puntos sensibles (nos que haxa contacto por parte de diferentes usuarios). Ademais, puxemos ao dispor dos nosos usuarios e usuarias dispensadores de xel desinfectante en diferentes puntos das nosas instalacións, para que poidades limparvos as mans tanto antes como despois de facer deporte.

 

A empresa tamén estableceu protocolos de prevención entre técnicos e usuarios, tan sinxelos como efectivos, tales como eliminar o contacto físico nos saúdos, manter unha distancia de seguridade entre as persoas ou evitar facer exercicios en parella.

 

Lembrade que todas as medidas que nos están recomendando estes días as autoridades sanitarias para a nosa vida diaria, son perfectamente aplicables a un centro deportivo, polo que insistimos na importancia de taparse a boca cando se  tose, evitar tocar os ollos, nariz ou boca, non tocar as varandas ou outras superficies en zonas de paso e por suposto, lavarse as mans de forma exhaustiva con frecuencia. Todas elas teñen un obxectivo prioritario: A prevención e seguridade das persoas.

 

No seguinte documento adxunto poderedes ver as recomendacións do Goberno, así como os teléfonos cos que contactar no caso de que teñades algún dos síntomas referidos ao Coroa Virus (febre, tose, problemas respiratorios…). Se te atopas mal, non acudas ao centro, para evitar poñer en risco de contaxio a outras persoas.

 

Desde  Máis que  Auga queremos deixar claro que o máis importante é a saúde de todos os que conforman a familia Máis que Auga, polo que nos anticipamos para ampliar as medidas de seguridade e estaremos moi atentos a todas as indicacións das autoridades sanitarias con respecto ao Corona Virus. E por suposto, seguiremos informándovos sobre a situación con total claridade.

 

The post Ante o COVID-19, prevención, rigorosidade, tranquilidade e información appeared first on Máis que Auga | Gimnasio en Vigo | Piscina | Pádel.

]]>
Non te perdas o último número do noso boletín informativo Máis News! https://maisqueauga.com/non-te-perdas-o-ultimo-numero-noso-boletin-informativo-mais-news/ Tue, 10 Mar 2020 19:31:36 +0000 https://maisqueauga.com/?p=18235/ Non te perdas o último número do noso boletín informativo Máis News!

The post Non te perdas o último número do noso boletín informativo Máis News! appeared first on Máis que Auga | Gimnasio en Vigo | Piscina | Pádel.

]]>

Xa podes ler o último número do noso boletín informativo Máis News, no que faremos un percorrido polas novas actividades de seco para os peques, coñeceremos a nova APP de Máis que Auga e viviremos a campaña “Satisf-accións”.

 

Actividades para nenos/as. A partir do 1 de marzo, ampliáronse os cursos de sala incluídos no abono para os nenos Máis que Auga. Así, contarán cunha oferta de 10 ou máis actividades por centro para nenos de 4 a 8 anos (kids) e de 9-14 (júnior). Zumba, wodfit, pump e combat para eles!

 

APP Máis que Auga. Aínda non a tes? A que esperas? So tes que instalala no teu móbil (é gratuíta) e terás todo Máis que Auga na túa mán. Poderas reservar clases e outros servicios, consultar os horarios, coñecer o teu adestramento, estar informados de todas as novidades…

 

E por último, non os perdades a campaña Satisf-accións, na que os novos socios/as poderán incorporarse a nosa familia coa matrícula gratuita. Iso si, debes darte prisa e darte de alta antes do 15 de marzo. Ademais,  na campaña  premiaremos a fidelidade dos nosos abonados e abonadas. De tal forma que se algún amigo ou familiar dase de alta na primeira quincena de marzo, decindo que ven da túa parte, terás unha mensualidade gratuita e o teu recomendado, matrícula gratis.

 

E non deixedes de ver os vídeos nos que os nosos abonados  son os protagonistas. Eles cóntannos de primeira man cal é a súa relación co centro e o que supón Máis que Auga na súa vida.

 

No botón, podedes ver o boletín informativo Máis News

The post Non te perdas o último número do noso boletín informativo Máis News! appeared first on Máis que Auga | Gimnasio en Vigo | Piscina | Pádel.

]]>
Antonio Serrat, ante unha nova etapa da súa carreira deportiva https://maisqueauga.com/antonio-serrat-ante-unha-nova-etapa-da-sua-carreira-deportiva/ Sun, 08 Mar 2020 19:21:25 +0000 https://maisqueauga.com/?p=18190/ Antonio Serrat, ante unha nova etapa da súa carreira deportiva

The post Antonio Serrat, ante unha nova etapa da súa carreira deportiva appeared first on Máis que Auga | Gimnasio en Vigo | Piscina | Pádel.

]]>
O noso deportista Antonio Serrat emprende unha tempada moi especial, con cambio de adestrador, de grupo de adestramento, de país, novo idioma… Un cambio radical que comezou hai uns meses e do que, polo momento, está encantado. Xa comezou a tempada coa Copa de África en Masselsport e agora xa pensa na próxima, a Copa do Mundo de Sarasota (22 de marzo). Falamos con Antonio e el cóntanos como lle vai a vida.

 

– Novo adestrador, grupo, vida…. Como está a ser este inicio de tempada?

Está a ser diferente, porque me unín ao grupo de adestramento de Ian O’ Brien, e iso conleva estar máis tempo fóra de casa. Os meses de xaneiro e febreiro estivemos en Sudáfrica para realizar a primeira concentración do ano. Evidentemente é un cambio moi grande, pero estou moi ilusionado e motivado.

 

– Como te estás aclimatando a esta nova etapa?

Son moitos cambios de golpe: método de adestramento, idioma, estar lonxe de casa… Dentro de que é algo novo e sempre custa un pouco adaptarse aos cambios, leveino ben grazas ao adestrador e o grupo de adestramento que sempre me axudaron no que necesitase.

– O peor é estar tan lonxe dos teus e o cambio total de vida?

Si, é unha das cousas que máis costa, pero creo que este novo proxecto podo ser bo a nivel deportivo, polo que apostei por iso e por agora estou contento coa aposta que fixen.

 

– Que nos podes contar do teu novo adestrador, Ian O’Brien?

É un adestrador que se desvive polos seus deportistas. Sempre está pendente de que esteamos ben, das sensacións que temos antes e despois dos adestramentos, de telo todo organizado…

 

– Como foi a pretempada?

Os dous primeiros meses da pretempada realiceinos en casa, empezando aos poucos e acumulando cada semana máis volume de adestramentos. En xaneiro e febreiro, seguiu un pouco coa mesma filosofía, acumulando e facer unha boa base para o resto do ano, aínda que as sesións de calidade tanto nadando, en bicicleta e correndo van tendo máis importante a medida que se achegan as primeiras competicións.

 

-Xa celebraches a primeira proba, que valoración fas da mesma?

Corrín o 8 de febreiro unha Copa de África en Masselsport. Non foi o inicio de tempada soñado, non polo resultado, xa que a proba tiña un bo nivel e sabía que ía ser unha proba complicada senón polas sensacións en carreira, xa que en ningún momento me atopei cómodo. Xuntáronse moitas cousas: a acumulación de adestramentos, a proba realizábase en altura, un erro no sector de natación que me fixo ir ao contraxeito o resto da proba…

A primeira competición do ano sempre é complicada e non saíu como desexabamos pero realizamos esa proba buscando dar ao corpo o estímulo de competición. E a verdade que despois da competición fun atopando mellor nos adestramentos.

 

-Que obxectivos tes para a presente tempada?

O principal obxectivo é seguir crecendo como deportista e tentar mellorar en todos os apartados do  tríatlon.

 

-É ano olímpico. Soñas con Tokio?

Os  JJOO son o soño de calquera deportista, pero é moi complicado alcanzalo, polo que o meu principal obxectivo é seguir mellorando e buscar a miña mellor versión e gozar nas competicións, que son as que che poñen o teu lugar.

The post Antonio Serrat, ante unha nova etapa da súa carreira deportiva appeared first on Máis que Auga | Gimnasio en Vigo | Piscina | Pádel.

]]>
Máis que Auga volverá ser sede oficial do Vigo Open 2020 do World Padel Tour https://maisqueauga.com/mais-que-auga-volvera-ser-sede-oficial-vigo-open-2020-world-padel-tour/ Thu, 05 Mar 2020 18:33:14 +0000 https://maisqueauga.com/?p=18182/ Máis que Auga volverá ser sede oficial do Vigo Open 2020 do World Padel Tour

The post Máis que Auga volverá ser sede oficial do Vigo Open 2020 do World Padel Tour appeared first on Máis que Auga | Gimnasio en Vigo | Piscina | Pádel.

]]>
Por segundo ano consecutivo, e despois das magníficas valoracións obtidas na edición de 2019, o complexo de pádel de Máis que Auga Navia será sede oficial do Vigo Open 2020, proba do Circuito Mundial de Pádel Profesional que se celebrará na cidade olívica do 22 ao 29 de marzo.

 

As oito pistas do Complexo Deportivo de Pádel de Navia acollerán, ademais dos adestramentos, a totalidade da fase preliminar da competición, así como parte da fase final na categoría feminina, o que significará que por Navia pasarán as e os mellores xogadores do mundo. Para permitir unha maior asistencia de público, instalaranse unhas bancadas supletorias e, igual que o ano pasado, o acceso será libre e gratuíto ata completar o aforo. O resto da competición disputarase no Pavillón de As Travesas, do 25 ao 29 de marzo, para decidir os campións do torneo.

 

Aínda é moi pronto para coñecer a todos os protagonistas do Vigo Open. O que é seguro é que estarán as mellores parellas do mundo e unha importante representación do pádel galego e vigués. Quen xa confirmou a súa asistencia é o xogador vigués e do Máis que Auga, Nacho Vilariño, que soña con repetir a magnífica actuación do ano pasado na que superou tres roldas. Este ano terá como compañeiro a Héctor Guisande, outro deportista local. Vilariño asegura que non queren marcarse obxectivos: “O que queremos é dalo todo e gozar na pista con toda a xente de Vigo véndonos”. Aínda que non está a xogar todo o que quixese polos estudos, o vigués explicou que leva unha semana adestrando forte para chegar a esta importante cita nas mellores condicións posibles. Ademais, destacou a alegría que lle proporciona xogar en Vigo, no World Padel Tour e no Máis que Auga, que “é un club que me apoia como patrocinador”.

 

O World Padel Tour 2020 é a oitava edición do circuíto mundial profesional de pádel e contará cun total de 22 torneos (categorías Master, Open, Challenger e Exhibition), que se celebrarán en nove países diferentes. O circuíto comeza esta semana co Open de Marbella e Vigo será a terceira proba en disputarse. No medio, o Yucatán Exhibition (13-15 marzo).

The post Máis que Auga volverá ser sede oficial do Vigo Open 2020 do World Padel Tour appeared first on Máis que Auga | Gimnasio en Vigo | Piscina | Pádel.

]]>
Buscamos máis socios satisfeitos e activos! https://maisqueauga.com/buscamos-mais-socios-satisfeitos-e-activos/ Sun, 01 Mar 2020 18:18:22 +0000 https://maisqueauga.com/?p=18050/ Buscamos máis socios satisfeitos e activos!

The post Buscamos máis socios satisfeitos e activos! appeared first on Máis que Auga | Gimnasio en Vigo | Piscina | Pádel.

]]>
Queres formar parte da familia Máis que Auga? Queres ter unha vida máis activa e satisfactoria? Pois este é o momento! Se necesitabas unha pequena axuda, estás de sorte. Do 2 ao 15 de marzo teremos en marcha a campaña “Satisf-accións”, pola que poderedes facervos socios en calquera dos nosos centros (Barreiro, Coia e Navia) coa matrícula gratis.

 

Consulta na recepción dos nosos centros as condicións da oferta e non esquezas que deberás acceder a esta ligazón e encher o formulario. Así, a tramitación da alta será moito más rápida, cando acudas aos nosos centros. Tamén podes facerte socio a través da páxina web, se así te resulta máis sinxelo.

 

Ademais, a campaña terá unha dobre vertiente, porque queremos premiar a fidelidade dos nosos abonados e abonadas. De forma que se algún amigo ou familiar dase de alta na primeira quincena de marzo decindo que ven da túa parte, terás unha mensualidade gratuita para ti (o abonado activo) e o teu recomendado, matrícula gratis. Así que, dobre premio!

 

Os vosos testimonios

E non os perdades nos próximos días os vídeos que amosaremos a través das nosas redes sociais, nos que os protagonistas son socios e socias de Máis que Auga. Como ben sabedes para a nosa empresa o noso principal valor sodes todos os que formades parte da  familia Máis que Auga e por iso, queremos coñecervos e que nos contedes en primeira persoa que papel ocupa MQA na vosa vida.

 

*Como sempre, a campaña non será acumulable a otras promoción e so poderás acollerte a ela no caso de que te deras de baixa de Máis que Auga hai máis de catro meses (antes do 30 de novembro)

The post Buscamos máis socios satisfeitos e activos! appeared first on Máis que Auga | Gimnasio en Vigo | Piscina | Pádel.

]]>