Máis que Auga | Gimnasio en Vigo | Piscina | Pádel https://maisqueauga.com As mellores instalacións deportivas de Vigo Thu, 14 Jan 2021 17:30:43 +0000 gl-ES hourly 1 AS NOVAS RESTRICIÓNS HORARIAS MARCADAS POLA XUNTA OBRÍGANOS A CAMBIAR O HORARIO DE PECHE https://maisqueauga.com/novas-restricions-horarias-marcadas-pola-xunta-obriganos-cambiar-o-horario-de-peche/ Thu, 14 Jan 2021 17:24:17 +0000 https://maisqueauga.com/?p=26170/ The post AS NOVAS RESTRICIÓNS HORARIAS MARCADAS POLA XUNTA OBRÍGANOS A CAMBIAR O HORARIO DE PECHE appeared first on Máis que Auga | Gimnasio en Vigo | Piscina | Pádel.

]]>

As novas restricións establecidas pola Xunta de Galicia para facer fronte a esta terceira onda da COVID-19 obrígannos a adiantar o peche nunha hora e por tanto, os cursos que se celebraban neste último tramo horario sufren modificacións. Ademais, ante o peche perimetral de Vigo, decidimos ofrecerlles a todos os nosos socios/ as ou cursillistas de fóra de Vigo a posibilidade de paralizar temporalmente a súa cota xustificando o lugar de domicilio.

 

Trala orde publicada onte no Diario Oficial de Galicia, a partir de mañá temos un novo horario de peche: 22:00 horas (21:45 horas na zona deportiva). Por iso debemos facer algúns cambios para poder cumprir con este novo horario. Estas modificacións afectarán ás reservas de pádel, e aos cursos de pádel, auga e sala que se celebran na última hora. Nas seguintes ligazóns tedes toda a información de como quedarían en cada un dos casos.

Outras das decisións adoptada pola Xunta é o peche perimetral de todos os municipios, algo que afectará aos nosos usuarios e usuarias de concellos limítrofes. Por iso, a todos os socios ou cursillistas que viven fóra do Concello de Vigo, ofrecémoslles a posibilidade de paralizar temporalmente a súa cota. Para iso deberán enviar un e-mail á conta de correo electrónico do seu centro (barreiro@maisqueauga.com, navia@maisqueauga.com e coia-florida@maisqueauga.com ), no que solicitarán a baixa temporal e aportarán un xustificante do seu domicilio. É imprescindible a presentación deste documento para acceder a esta suspensión temporal. Por suposto, non se pasará o cobro da mensualidade de febreiro se a situación continúa igual e compensaranse os quince días de xaneiro, na primeira quincena trala reanudación.

 

Unha vez máis, atopámonos nunha situación complicada, pero temos a confianza de saber que se facemos as cousas ben, sairemos adiante todos xuntos. Por iso, dende Máis que Auga queremos pedirvos que os coidedes moito a vós e a todos os que os rodean. E lembrade… #ContadeConNós porque nós #ContamosConVós!

The post AS NOVAS RESTRICIÓNS HORARIAS MARCADAS POLA XUNTA OBRÍGANOS A CAMBIAR O HORARIO DE PECHE appeared first on Máis que Auga | Gimnasio en Vigo | Piscina | Pádel.

]]>
OS NOSOS CONSELLOS PARA QUE, ESTA VEZ SI, CUMPRAS OS PROPÓSITOS DO NOVO ANO https://maisqueauga.com/os-nosos-consellos-para-que-esta-vez-si-cumpras-os-propositos-novo-ano/ Tue, 12 Jan 2021 19:33:36 +0000 https://maisqueauga.com/?p=26103/ Ir ao ximnasio aparece cada ano na nosa lista de propósitos, pero non sempre con moito éxito. Por que? Quizais porque o obxectivo que marcas é demasiado esixente e ao...

The post OS NOSOS CONSELLOS PARA QUE, ESTA VEZ SI, CUMPRAS OS PROPÓSITOS DO NOVO ANO appeared first on Máis que Auga | Gimnasio en Vigo | Piscina | Pádel.

]]>
Ir ao ximnasio aparece cada ano na nosa lista de propósitos, pero non sempre con moito éxito. Por que? Quizais porque o obxectivo que marcas é demasiado esixente e ao non logralo, desilusiónaste e abandonas. Así que imos marcar unhas liñas de actuación para que os teus obxectivos cheguen a bo termo.

 

Ao pasar as festas, chegan as rutinas. Os nenos volven ao traballo e os maiores, ao traballo sen eses festivos que alteran o ritmo a todos/as. Así que é o momento perfecto para incorporar o ximnasio ás nosas rutinas diarias e que sexa máis sinxelo. Iso si, o noso consello é que a actividade física vaia acompañada dunha boa alimentación. Se é a primeira vez que vas ao ximnasio ou aínda que fuches algunha vez, non logras engancharte, debes ter en conta unha serie de consellos.

 

  • Obxectivos reais. Unha das principais causas do fracaso no ximnasio débese a que, de inicio, nos marcamos uns obxectivos excesivamente ambiciosos e moi poucos realistas. Se pensamos que nunhas semanas xa imos estar magníficos ou imos perder os quilos de máis do Nadal, a desilusión está garantida. É fundamental que establezamos obxectivos reais e alcanzables, para que vexamos que o traballo ten resultados e así acudiremos cada día máis animados.
  • Asesoramento profesional. Tamén é fundamental e por moitos motivos: Para marcar un adestramento adaptado a ti, ás túas condicións físicas e aos teus obxectivos; para evitar lesións por facer un traballo inadecuado; para ter  unha programación feita por profesionais; para animarte ao ver que vas superando etapas… Non o dubides! Fala cos nosos técnicos/as e eles programaran as túas sesións de traballo.
  • Se podes, ve acompañado ao ximnasio. Moitas veces o ximnasio abúrrenos, por iso é importante que, se podes, acudas acompañado por algún amigo ou familiar, sobre todo ao inicio. Ao final, un tira doutro, e se un día non te apetece acudir, sempre é un incentivo.
  • Escoita ao teu corpo e non compitas con outros. Sen ningunha dúbida, o teu corpo fala e debes guiarte polas túas sensacións. Cada corpo é diferente e o que vale para uns non serve para outros. Ademais, agora que a máscara é parte do noso uniforme de traballo no gym, debes afacerte a ela e ir avanzando a medida que te vaias adaptando. Así que, se acodes ao ximnasio con compañeiros, non tes que seguir o seu ritmo.
  • Non esquezas o quecemento e a volta á calma. Moitas veces descoidamos o quecemento e a desaceleración e é un erro grave, xa que son fundamentais para evitar lesións musculares. Por iso, aconsellamos que comeces cun pequeno quecemento e acabes cunha boa sesión de estiramentos. Os teus músculos agradecerano.
  • Recorda combinar o deporte cun bo descanso e unha alimentación saudable. Como sempre dicimos, o deporte debe estar acompañado por un bo descanso e unha alimentación equilibrada e saudable, polo que vos animamos a que agora que vos estades marcando un reto cara ao ano 2021, non vos esquezades de descansar as horas necesarias e de ter unha alimentación sa. Tenta escapar dos alimentos ultraprocesados e aposta pola comida tradicional.

 

Seguindo estes consellos estamos seguros de que o teu paso polo ximnasio será satisfactorio e verás como, aos poucos, convértese en parte da túa vida e que o teu corpo pedirache facer deporte.

 

 

 

 

The post OS NOSOS CONSELLOS PARA QUE, ESTA VEZ SI, CUMPRAS OS PROPÓSITOS DO NOVO ANO appeared first on Máis que Auga | Gimnasio en Vigo | Piscina | Pádel.

]]>
DIRECTRICES DA OMS SOBRE A ACTIVIDADE FÍSICA E A VIDA SEDENTARIA https://maisqueauga.com/directrices-da-oms-sobre-actividade-fisica-e-vida-sedentaria/ Sun, 10 Jan 2021 19:20:45 +0000 https://maisqueauga.com/?p=26046/ The post DIRECTRICES DA OMS SOBRE A ACTIVIDADE FÍSICA E A VIDA SEDENTARIA appeared first on Máis que Auga | Gimnasio en Vigo | Piscina | Pádel.

]]>

Sabedes que agora máis que nunca se fala da necesidade de facer actividade física, como unha parte fundamental na prevención de múltiples enfermidades. Desta forma, a Organización Mundial da Saúde publicou unhas directrices fundamentais sobre a actividade física e a vida sedentaria, que achegan luz sobre esta cuestión e ofrecen recomendacións de saúde pública baseadas en probas sobre a cantidade de actividade física que deben realizar nenos, adolescentes, adultos e persoas maiores en termos de frecuencia, intensidade e duración para obter beneficios de saúde significativos e mitigar os riscos para a saúde.

 

Comeza o documento con seis mensaxes principais:

  1. A actividade física é boa para o corazón, o corpo e a mente. Realizar unha actividade física con regularidade pode previr e axudar a xestionar as cardiopatías, a diabetes de tipo 2 e o cancro, que causan case tres cuartas partes das mortes de todo o mundo. Ademais, a actividade física pode reducir os síntomas de depresión e ansiedade, e mellorar a concentración, a aprendizaxe e o benestar en xeral.

 

  1. Calquera cantidade de actividade física é mellor que ningunha, e canta máis, mellor. Para mellorar a saúde e o benestar, a OMS recomenda polo menos entre 150 e 300 minutos de actividade aeróbica moderada á semana (ou o equivalente en actividade vigorosa) para todos os adultos, e unha media de 60 minutos de actividade física aeróbica moderada ao día para os nenos e os adolescentes.

 

  1. Toda actividade física conta. A actividade física pode integrarse no traballo, as actividades deportivas e recreativas ou os desprazamentos (a pé, en bicicleta ou nalgún outro medio rodado), así como nas tarefas cotiás e domésticas.

 

  1. O fortalecemento muscular beneficia a todas as persoas. As persoas maiores (a partir de 65 anos) deberían incorporar actividades físicas que dean prioridade ao equilibrio e a coordinación, así como ao fortalecemento muscular, para axudar a evitar caídas e mellorar a saúde.

 

  1. Demasiado sedentarismo pode ser malsano. Pode incrementar o risco de cardiopatías, cancro e diabetes de tipo 2. Limitar o tempo sedentario e manterse fisicamente activo é bo para a saúde.

 

  1. Todas as persoas poden beneficiarse de incrementar a actividade física e reducir os hábitos sedentarios, en particular as mulleres embarazadas e en puerperio e as persoas con afeccións crónicas ou discapacidade.

 

 

Neste informe, a OMS fala das diferentes etapas da vida e sobre canto tempo debes dedicar ao exercicio e con que frecuencia, que tipo de exercicio é o adecuado e que é o que hai que facer se se busca obter maiores beneficios para a saúde. Ademais, tamén hai recomendacións sobre o que non se debe facer en cada momento da vida.

 

É un documento moi interesante que vos recomendamos que consultedes para coñecer que recomenda para ti e a túa familia. Podes acceder a el na seguinte ligazón.

The post DIRECTRICES DA OMS SOBRE A ACTIVIDADE FÍSICA E A VIDA SEDENTARIA appeared first on Máis que Auga | Gimnasio en Vigo | Piscina | Pádel.

]]>
PROBA GRATIS A ACADEMIA DE PÁDEL MÁIS QUE AUGA DO 11 AO 16 DE XANEIRO https://maisqueauga.com/proba-gratis-academia-de-padel-mais-que-auga-11-ao-16-de-xaneiro/ Tue, 05 Jan 2021 18:06:29 +0000 https://maisqueauga.com/?p=25972/ The post PROBA GRATIS A ACADEMIA DE PÁDEL MÁIS QUE AUGA DO 11 AO 16 DE XANEIRO appeared first on Máis que Auga | Gimnasio en Vigo | Piscina | Pádel.

]]>

A Academia de pádel Máis que Auga celebrará do 11 ao 16 de xaneiro a Semana de Portas Abertas, na que tanto nenos como adultos poderán recibir clases de balde nas instalacións de Barreiro e Navia. Se queredes coñecer o pádel con Máis que Auga, só tedes que inscribirvos canto antes porque son prazas limitadas! Esta acción vense realizando nas nosas instalacións dende o ano 2011 e sempre cunha grande afluencia de público. Este ano, a principal novidade  virá marcada polas medidas de prevención anti COVID-19, que respectamos de forma estrita nas nosas instalacións. De todas formas, o pádel é actualmente unha das actividades que menos afectada está, xa que se pode xogar sen máscara  e en parellas.

 

Estas clases están dirixidas a todo tipo de público, dende as persoas que nunca practicaron pádel a xogadores/as xa iniciados. En que consistirá? Será unha clase grupal, con adestradores/as da nosa academia, todos eles titulados,  que vos permitirá coñecer a nosa metodoloxía de traballo. A inscrición debe realizarse na páxina web de Máis que Auga, indicando días e horarios preferentes, para poder organizar as clases. Os días laborais haberá horarios de mañá e de tarde, mentres que o sábado a xornada será matinal.

 

Máis que Auga comezou a celebrar a Semana de Portas Abertas no ano 2011 (cunha media de participación de preto de 200 usuarios) e sempre resulta moi interesante ver como o pádel enseguida engancha!  Así que os animamos a acercarvos a coñecer un deporte familiar, ao alcance de todos e todas e que se pode desfrutar perfectamente nestes intres de pandemia, ao xogar en espazos moi amplos, abertos e ventilados.

 

Na seguinte ligazón podes reservar a túa clase, no horario que máis te conveña.

The post PROBA GRATIS A ACADEMIA DE PÁDEL MÁIS QUE AUGA DO 11 AO 16 DE XANEIRO appeared first on Máis que Auga | Gimnasio en Vigo | Piscina | Pádel.

]]>
MANIFESTO POLO RECOÑECEMENTO DO DEPORTE COMO ACTIVIDAD FUNDAMENTAL NA LOITA CONTRA A COVID-19 https://maisqueauga.com/manifesto-polo-reconecemento-deporte-como-actividad-fundamental-na-loita-contra-covid-19/ Sun, 03 Jan 2021 17:19:38 +0000 https://maisqueauga.com/?p=25883/ The post MANIFESTO POLO RECOÑECEMENTO DO DEPORTE COMO ACTIVIDAD FUNDAMENTAL NA LOITA CONTRA A COVID-19 appeared first on Máis que Auga | Gimnasio en Vigo | Piscina | Pádel.

]]>

Dende Máis que Auga queremos dar a coñecer o manifesto polo recoñecemento da educación física, a actividade física e o deporte como actividades fundamentais na loita contra a COVID-19, elaborado pola Plataforma Galega pola Educación Física, a Actividade Física e o Deporte. É unha proposta que compartimos totalmente e gustaríanos animarvos a asinar este manifesto, pero primeiro queremos que coñezades como xurde a iniciativa e o contido do manifesto.

 

Quen conforma esta plataforma e por que nace? A Plataforma está formada polo Colexio Oficial de Licenciados en Ciencias da Actividade Física e do Deporte de Galicia (COLEF Galicia), a Asociación de Empresas Xestoras de Instalacións Deportivas de Galicia (AEXIDEGA) e a Asociación Galega de Xestión Deportiva (AGAXEDE), como entidades que representan unha parte substancial do sistema deportivo de Galicia. A constitución desta organización xurde ante as medidas restritivas que se veñen tomando en relación á práctica de educación física, actividade física e deporte, durante a xestión da situación epidemiolóxica derivada da COVID-19 en Galicia.

 

As tres entidades constituíntes da Plataforma expresan o seu desacordo coa falta de apoio á práctica de actividades físico-deportivas por parte da Xunta de Galicia, xa que, en vez de ser promocionadas, están sufrindo graves restricións. Non entenden que estas actividades, cuxa práctica supón uns beneficios importantes para a saúde, estean sendo esquecidas pola administración autonómica e sufran más restricións que outras actividades sen ningún beneficio para a saúde.

 

Ante esta situación, a Plataforma elaborou un manifesto polo recoñecemento da educación física, a actividade física e o deporte como actividade esencial na loita contra a COVID-19. Neste documento recórdase que a inactividade física é un grave problema de saúde pública, con importantes consecuencias económicas, cuxa solución pasa por un aumento da práctica de educación física, actividade física e deporte. Este problema aumentou durante o confinamento de marzo a xuño de 2020 pola COVID, ao reducirse de forma drástica a actividade física. Ademais está demostrado que a práctica de educación física, actividade física e deporte é fundamental na loita contra a COVID-19. Por todo isto, a Plataforma solicita a Xunta de Galicia:

 

  1. Que os servizos de educación física, actividade física e deporte prestados por entidades e profesionais cualificados sexan recoñecidos como actividade esencial, tendo en conta que a Lei 3/2012 do deporte de Galicia os considera de interese público.
  2. Aprobación por parte da Secretaría Xeral para o Deporte, dun Protocolo FISICOVID-DXTGALEGO específico para os “centros e servizos físico e deportivos de Galicia”, de obrigado cumprimento e polo que se establezan as medidas e requirimentos de seguridade que permitan manter os centros operativos para que a poboación en xeral poida seguir realizando “actividade física saudable”.
  3. Que non se apliquen á práctica de educación física, actividade física e deporte medidas restritivas de carácter xeral, agás que existan evidencias e datos de contaxio que as xustifiquen, e si medidas específicas para aqueles centros e servizos deportivos que incumpran o protocolo específico que se aprobe para os mesmos.

 

A continuación, tedes as ligazóns para que poidades ler o manifesto íntegro, así como para que asinedes o manifesto se considerades importante o recoñecemento da educación física, a actividade física e o deporte como actividades fundamentais na loita contra a COVID-19. Dende Máis que Auga apostamos por un estilo de vida saudable e activo!

The post MANIFESTO POLO RECOÑECEMENTO DO DEPORTE COMO ACTIVIDAD FUNDAMENTAL NA LOITA CONTRA A COVID-19 appeared first on Máis que Auga | Gimnasio en Vigo | Piscina | Pádel.

]]>
NESTAS FESTAS, VIDA E COMIDA SA https://maisqueauga.com/nestas-festas-vida-e-comida-sa/ Wed, 30 Dec 2020 18:27:59 +0000 https://maisqueauga.com/?p=25825/ Chegan as festas do Nadal e parece que os excesos son normais… pero NON! Desde o gabinete de  Máis que  Auga, a nosa  nutricionista Conchi  Adrover, quere lembrarnos que é...

The post NESTAS FESTAS, VIDA E COMIDA SA appeared first on Máis que Auga | Gimnasio en Vigo | Piscina | Pádel.

]]>
Chegan as festas do Nadal e parece que os excesos son normais… pero NON! Desde o gabinete de  Máis que  Auga, a nosa  nutricionista Conchi  Adrover, quere lembrarnos que é posible pasar unhas magníficas festas comendo ben e facendo unha vida sa.

 

E que ninguén se equivoque, comer san para nada significa que sexa aburrido ou eslamiado. Nestas festas, que estamos máis tempo en casa, podemos aproveitar para cociñar e, como sempre nos aconsella Conchi, escapar dos produtos procesados. Que pode ser máis san e rico que un prato elaborado por ti! Desde unhas cremas exquisitas a calquera marisco, e un peixe ao forno ou unha rica carne á prancha serán deliciosos en calquera mesa. E de sobremesa, opta por algo lixeiro, sobre todo se é de cea, e, unha vez máis, se é unha sobremesa caseira, moito mellor para todos!

 

E outra das claves que nos transmiten desde o gabinete de nutrición, é que debemos continuar cunha vida activa. Así que se despois da comida, toda a familia vai dar un paseo, sen dúbida o teu corpo agradeceracho, ademais de pasar un intre ao aire libre cos teus.

 

A mensaxe que nos quere transmitir Conchi  Adrover nestas festas é moi claro: “Non descoides o traballo de todo o ano en Nadal! Seguimos comendo e adestrando ben, sen relaxarnos, pero gozando destas datas, porque ambas as cousas son compatibles”.

 

Así que agora que chega o día de Fin de Ano e o de Ano Novo, animámosvos a realizar un menú equilibrado, sen excesos, pero igualmente rico e suxestivo. Lembrade que para cear é mellor que sexa unha proposta lixeira, xa que sentará mellor a todos e o que queremos é deixar atrás este 2020 tan “complicado” e iniciar o 2021 coa maior das ilusións. E lembra que o día 2 de xaneiro, estaremos a che esperar en  Máis que  Auga, para seguir facendo deporte e gozar dunha vida sa e saudable todos xuntos.

The post NESTAS FESTAS, VIDA E COMIDA SA appeared first on Máis que Auga | Gimnasio en Vigo | Piscina | Pádel.

]]>
O LUNS 28 COMEZA A NOSA SEMANA VERDE CHEA DE SORPRESAS! https://maisqueauga.com/o-luns-28-comeza-nosa-semana-verde-chea-de-sorpresas/ Sun, 27 Dec 2020 16:51:46 +0000 https://maisqueauga.com/?p=25769/ O ano 2020 non vai ser lembrado con agarimo, está claro. Así que en Máis que  Auga decidimos despedilo ao grande e darlle a benvida ao vindeiro 2021 con moitas...

The post O LUNS 28 COMEZA A NOSA SEMANA VERDE CHEA DE SORPRESAS! appeared first on Máis que Auga | Gimnasio en Vigo | Piscina | Pádel.

]]>
O ano 2020 non vai ser lembrado con agarimo, está claro. Así que en Máis que  Auga decidimos despedilo ao grande e darlle a benvida ao vindeiro 2021 con moitas ganas e esperanza.

 

E que preparamos? A nosa Semana Verde, que estará chea de sorpresas! Cada día da semana, a partir do luns 28 imos facer un sorteo, unha promoción ou haberá un obsequio para abonados ou usuarios de diferentes servizos das nosas instalacións. Esta semana Verde, que empeza o 28 de decembro e finaliza a noite de Reis, está dedicada a vós por estar aquí cada día, por acompañarnos nos malos e bos momentos, por seguirnos nas redes, por darnos mensaxes de ánimo e ás veces tiróns de orella…

 

Iso si, teredes que estar moi atentos ás nosas redes sociais para ver que vos temos preparado cada día, porque serán sempre diferentes e poida que vos afecte segundo cal sexa o servizo que utilicedes. Sodes dos que preferides a pa de pádel? Ou aqueles que pasan polo  fisioterapeuta? Ides contratar un novo servizo? Estades a punto de darvos de alta? Para todos e todas pode haber a oportunidade de recibir un agasallo e despedir o ano 2020 cun sorriso! Así que… Atentos ás nosas redes sociais porque cada día teremos unha proposta distinta, que pode ser a adecuada para ti!

The post O LUNS 28 COMEZA A NOSA SEMANA VERDE CHEA DE SORPRESAS! appeared first on Máis que Auga | Gimnasio en Vigo | Piscina | Pádel.

]]>
OLALLA CASTRO E SONIA LORENZO, DÚAS DAS AFORTUNADAS DO SORTEO DO BLACK FRIDAY https://maisqueauga.com/olalla-castro-e-sonia-lorenzo-duas-das-afortunadas-sorteo-black-friday/ Wed, 23 Dec 2020 17:26:53 +0000 https://maisqueauga.com/?p=25718/ En tempos de Nadal a todos gústannos os agasallos e as sorpresas, así que ante a proximidade destas festas, en Máis que Auga decidimos que en Black  Friday non só...

The post OLALLA CASTRO E SONIA LORENZO, DÚAS DAS AFORTUNADAS DO SORTEO DO BLACK FRIDAY appeared first on Máis que Auga | Gimnasio en Vigo | Piscina | Pádel.

]]>
En tempos de Nadal a todos gústannos os agasallos e as sorpresas, así que ante a proximidade destas festas, en Máis que Auga decidimos que en Black  Friday non só iamos realizar unha promoción para novos abonados, senón que preparamos un concurso para os nosos seguidores nas redes sociais. Así, organizamos un sorteo entre todas as persoas que desen un like e retuitearan a nosa publicación do Black Friday. O premio ben o merecía porque era 6 mensualidades de ximnasio gratis para as cinco persoas que resultasen gañadoras. E elas son Mercé, Olalla, Sonia, Ana María e Sonya. Pleno de mulleres e todas socias de Máis que  Auga!

 

Quixemos coñecer a algunha delas e hoxe presentámosvos a Olalla Castro e Sonia Lorenzo. Olalla, de 22 anos, púxose a gritar de alegría, cando viu o seu nome etiquetado por  Máis que  Auga no facebook como gañadora do sorteo: “Sígovos no facebook e  instagram e decateime porque me  etiquetasteis e a verdade é que me puxen  súper,  súper contenta e empecei a gritar da emoción, porque seis meses gratis de ximnasio é unha marabilla!”.

 

Olalla leva unha relación intermitente con Máis que  Auga, aínda que polo que conta volveu con máis forza que nunca: “Estiven apuntada hai un par de anos ou así. Regresei este ano, pero coa corentena dinme de baixa e volvín en setembro. Aínda que inicialmente ía a Coia, agora estou a ir moito máis a Navia e vou catro ou cinco días á semana”. Afirma con rotundidade que “me gusta moito facer exercicio. Agora estoulle pillando cada vez máis o gustillo. Ademais de que me parece  super importante para estar ben fisicamente e por saúde, mentalmente vaime moi ben para desconectar e paréceme que é algo que todo o mundo debería facer”.

 

Curiosamente agora traballa fundamentalmente en sala e sobre todo con pesas, e dicimos curiosamente porque “é algo que antes non me gustaba nada e agora é o que máis me gusta”, contounos.

 

Sonia é socia de  Máis que  Auga Barreiro desde hai 15 meses, aínda que agora reparte  as súas visitas entre Barreiro e Navia, dependendo dos seus horarios de traballo. Ademais de ser abonada, tamén lle gusta seguirnos por redes e así se decatou do sorteo e non dubidou en probar sorte: “a verdade é que non adoito ser moi afortunada no xogo, pero… Esta vez si! Decatouse a través do propio facebook, cando viu publicado a listaxe dos gañadores e “foi unha agradable sorpresa!”.

 

Sonia asegura que o deporte é importante para ela e que sabe que lle beneficia, aínda que recoñece que ten épocas de parón. A pesar de todo, non dubida en sinalar que “faime sentir ben, a pesar das maniotas e ademais, gústame”. Actualmente Sonia é das habituais no Máis que  Auga, xa que vai catro ou mesmo cinco días á semana, e a súa preferencia é sala, onde fai un pouco de  cardio e pesas.

 

Elas son Sonia e Olalla, parte da familia Máis que  Auga como ti … A todos, Felices Festas!

The post OLALLA CASTRO E SONIA LORENZO, DÚAS DAS AFORTUNADAS DO SORTEO DO BLACK FRIDAY appeared first on Máis que Auga | Gimnasio en Vigo | Piscina | Pádel.

]]>
ESTE NADAL REGALA DEPORTE, REGALA SAÚDE https://maisqueauga.com/este-nadal-regala-deporte-regala-saude/ Sun, 20 Dec 2020 18:51:56 +0000 https://maisqueauga.com/?p=25626/ The post ESTE NADAL REGALA DEPORTE, REGALA SAÚDE appeared first on Máis que Auga | Gimnasio en Vigo | Piscina | Pádel.

]]>

Este Nadal regala saúde. É un deses agasallos que non caducan nin se pasan de moda e agora, neste momento no que estar fortes é máis importante que nunca, é o máis adecuado. Por iso, desde Máis que Auga presentámosvos un presente para estas festas que ten un valor dobre, xa que regalas saúde á persoa á que queiras e mesmo te auto regalas un desconto.

 

Esta é a nosa proposta! Regala a quen ti queiras a nosa pulseira Máis que  Auga e atoparás a matrícula rebaixada nun 50%. Ademais, ti decides desde cando e o número de mensualidades co que queres agasallar ao teu familiar ou amigo. E para ti? Pois por cada mes que regales, terás un desconto de 5 euros na túa próxima mensualidade. A pulseira entregarase nunha bonita caixa, para que o agasallo teña unha boa presentación e póidaslle engadir unha nota.

*Promoción non  acumulable.

*Agasallo só para novas altas.

 

Así, xa non hai escusa! Pídelle este agasallo a Papa Noel ou os Reis Magos e, esta vez si, cumpre un dos obxectivos que nos marcamos sempre ao empezar cada ano: Poñerte en forma! Ademais, realizar actividade física non só é positivo para estar mellor no aspecto físico e fortalecer o sistema inmunitario, que xa de seu, é moi importante, senón que ademais, axudarache a sentirme mellor no aspecto anímico, algo tamén fundamental nestes momentos nos que todos estamos un pouco máis decaídos. E por riba, como coñeces Máis que Auga, estarás seguro de que á persoa á que lle fas o agasallo estará nun entorno seguro onde se toman as medidas de prevención ante a COVID-19.

 

Este Nadal, regala deporte, regala saúde!

Chano Rodríguez e Aroa Sío

The post ESTE NADAL REGALA DEPORTE, REGALA SAÚDE appeared first on Máis que Auga | Gimnasio en Vigo | Piscina | Pádel.

]]>
A OBESIDADE, A OUTRA PANDEMIA QUE AMEAZA Á HUMANIDADE https://maisqueauga.com/obesidade-outra-pandemia-que-ameaza-humanidade/ Fri, 18 Dec 2020 18:44:57 +0000 https://maisqueauga.com/?p=25590/ The post A OBESIDADE, A OUTRA PANDEMIA QUE AMEAZA Á HUMANIDADE appeared first on Máis que Auga | Gimnasio en Vigo | Piscina | Pádel.

]]>

Sabedes que sempre insistimos na importancia de ter unha alimentación sa e equilibrada e por iso dende hai moito tempo  celebramos charlas sobre nutrición, desmontamos mitos alimenticios e mesmo, desde as nosas redes sociais vos fixemos propostas de receitas sinxelas e sas, para animarvos a cociñar máis e escapar dos alimentos procesados.

 

Pois se antes eramos pesados, agora, coa pandemia da COVID-19, o somos moito máis. Con menos actividade física e unha mala alimentación aumentan de forma clara os problemas de saúde para  a nosa sociedade e por iso non nos imos a cansar de insistir niso. Ademais, está máis que demostrado que en tempos de  Covid a obesidade é un factor de risco e, pola contra, unha boa alimentación e actividade física axudan a reforzar o sistema  inmunológico e fannos fortes para enfrontarnos aos virus.

 

Hoxe traémosvos un artigo do Economista no que o  epidemiólogo Miguel Ángel Martínez-González afirma que “as dúas grandes pandemias que ameazan á humanidade hoxe en día son a obesidade e a Covid-19″. Así, este  epidemiólogo uniuse coa xornalista Marisol  Guisasola para escribir o libro ¿Qué comes?, un traballo que pode axudar e moito a todos os que queiran coidar a súa alimentación. Os autores desbancan mitos, aclaran lendas urbanas e falan sen andrómenas da industria alimentaria e farmacéutica. No libro que nos presentan, o doutor aposta pola dieta mediterránea, da que afirma que é a mellor do mundo. E lembra que o exercicio físico tamén é necesario para manter un estilo de vida saudable.

 

Non podemos estar máis de acordo, así que queremos recomendarvos esta lectura. Na ligazón, podedes ler o artigo, e lembrámosvos que en  Máis que  Auga Navia temos un gabinete de nutrición, dirixido por Conchi  Adrover, que vos pode dar as pautas para facer unha alimentación sa e equilibrada.

The post A OBESIDADE, A OUTRA PANDEMIA QUE AMEAZA Á HUMANIDADE appeared first on Máis que Auga | Gimnasio en Vigo | Piscina | Pádel.

]]>