Máis que Auga | Gimnasio en Vigo | Piscina | Pádel https://maisqueauga.com As mellores instalacións deportivas de Vigo Tue, 29 Sep 2020 18:54:17 +0000 gl-ES hourly 1 A AUGA, UN LUGAR SEGURO SEGUNDO OS EXPERTOS https://maisqueauga.com/auga-un-lugar-seguro-segundo-os-expertos/ Tue, 29 Sep 2020 18:52:01 +0000 https://maisqueauga.com/?p=23039/ The post A AUGA, UN LUGAR SEGURO SEGUNDO OS EXPERTOS appeared first on Máis que Auga | Gimnasio en Vigo | Piscina | Pádel.

]]>

O día 1 de outubro comezan os cursos de natación para nenos en Máis que Auga e queremos aproveitar este momento para lembrarvos que a auga da piscina é un dos sitios máis seguros contra o Coronavirus.

 

Os expertos, en diferentes estudos, aseguran que a auga, xa de seu, é un sitio no que este virus se desactiva, pero ademais nas piscinas, ao ser auga tratada con cloro,  ultravioleta e produtos químicos de limpeza, a efectividade é maior, xa que todos estes produtos son os máis adecuados para “matar” ao virus.

 

Na ligazón, podedes ler este artigo da revista Muy Interesante, no que Joan Grimalt, investigador do Instituto de Diagnóstico Ambiental e Estudos da Auga ( IDAEA-CSIC), explica as pautas para seguir nas piscinas. Precisamente Grimalt é un dos autores do informe do Consello Superior de Investigacións Científicas (CSIC) no que se afirma que a infección da Covid-19 nas piscinas é moi improbable e que a principal forma de contaxio sería por contacto entre persoas.

Por iso, este espazo é, sen dúbida, dos máis seguros, e a posibilidade de contaxio céntrase, unha vez máis, na relación entre persoas. Desde  Máis que  Auga tomamos todas as medidas necesarias para manter as distancias de seguridade entre os usuarios, seguindo as pautas marcadas por  Sanidade e buscando unha práctica deportiva segura e feliz para todas e todos.

 

Así que non esquezades que é necesario que levedes as vosas  chanclas, gorro, gafas e a máscara para acceder á zona de auga e que ao chegar ao acceso á auga, deixaredes o calzado e a máscara (importante levar unha bolsa plástica para gardala) nunha zona establecida. A circulación será circular para evitar cruces e habilitamos zonas de espera para os grupos co obxectivo de evitar aglomeracións. Nos vestiarios tamén é obrigatorio o uso da máscara e manter a distancia de seguridade.

 

Lembrade que nos cursos reduciuse o aforo dos grupos, o traballo na auga será máis individualizado e todo o material utilizado será  desinfectado antes e despois do seu uso. Como sempre, estaremos ao voso lado para resolver dúbidas. Acudide aos nosos técnicos/as cando o necesitedes! E a gozar das nosas piscinas!

The post A AUGA, UN LUGAR SEGURO SEGUNDO OS EXPERTOS appeared first on Máis que Auga | Gimnasio en Vigo | Piscina | Pádel.

]]>
ROI RODRÍGUEZ, OURO NA COPA DO MUNDO DE SZEGED EN K2-500 METROS https://maisqueauga.com/roi-rodriguez-ouro-na-copa-mundo-de-szeged-en-k2-500-metros/ Sun, 27 Sep 2020 19:33:02 +0000 https://maisqueauga.com/?p=22976/ Fin de semana moi intensa para o noso deportista Roi Rodríguez, que logrou xunto ao seu compañeiro Albert Martí, o ouro na proba de  K2-500 metros. Na proba de 1.000...

The post ROI RODRÍGUEZ, OURO NA COPA DO MUNDO DE SZEGED EN K2-500 METROS appeared first on Máis que Auga | Gimnasio en Vigo | Piscina | Pádel.

]]>
Fin de semana moi intensa para o noso deportista Roi Rodríguez, que logrou xunto ao seu compañeiro Albert Martí, o ouro na proba de  K2-500 metros. Na proba de 1.000 metros, que se disputou hoxe, notouse o esforzo do día anterior, e Rodríguez- Martí só puideron ser sétimos.

 

Despois de máis dun ano sen competir a nivel internacional, chegou a Copa do Mundo de  Szeged (Hungría), que era a única proba internacional do presente ano. Así, converteuse nunha cita moi importante, pero chea de incógnitas por saber o nivel real de todos os participantes, despois de tanto tempo sen competir. Antes de saír en dirección a Hungría, o noso deportista  Máis que  Auga Roi Rodríguez dicíao: “O importante é competir, xa que aínda que estivemos adestrando todos estes meses, o que nos falta é competición”.

 

Así o venres tocou a cualificación para as probas de K2-500 e 1.000 metros, cun magnífico resultado en ambas. A parella Rodríguez- Martí foi segunda na súa quenda e alcanzou así o pase directo á final. E con moi boas sensacións, segundo contounos Roi.

 

O sábado celebrouse a final de 500 metros. O principal rival parecía de antemán a embarcación de Pelayo Roza e Pedro Vázquez, actuais subcampións da distancia (hai xusto un ano nesta mesma pista) e aos que xa superaron hai unhas semanas en Verducido.

Foi unha proba preciosa, con alternativas. Comezaron mandando os asturianos e así chegaron aos últimos 200 metros por diante. Pero Roi e Albert non se renderon e remontaron para poñerse por diante cando só faltaban 100 metros. Este tramo final foi  super igualado e o campión decidiuse en só centésimas de segundo. Ouro para Roi Rodríguez e Albert  Martí, que ven como o seu esforzo dos últimos meses ten recompensa en forma de resultados. “A nosa primeira medalla competindo xuntos internacionalmente… Estamos moi contentos”, sinalou Roi.

 

Para o domingo pola mañá estaba prevista a final de  K2-1.000 metros, moi importante para o noso deportista, xa que o seu obxectivo é loitar por unha praza nos Xogos Olímpicos nesta proba. Pero o cansazo dos dous días anteriores pesou e a embarcación de Roi acabou sétima. O tándem Paco Cubelos-Íñigo Pena (subcampións do mundo nesta distancia) logrou a medalla de bronce. Así explicou Roi como foi a final: “Creo que fixemos unha boa proba, pero quedamos un pouco atrás nos últimos metros. Tentamos repetir a estratexia da clasificación, pero fallounos o final e perdemos aí uns cantos postos. Aínda así estamos contentos de competir, cos mellores do mundo, e coller experiencia, que ao final é o que importa aquí”.

E a xornada concluíu coa proba de  K1-5.000 metros, que Roi afrontou máis como un xogo, xa que non é para nada a súa especialidade, pero era a única proba individual que podía afrontar dado o calendario. O galego finalizou noveno: “Era unha proba para divertirse e ver que pasaba, pero non é a miña especialidade nin moito menos. Aguantei unhas cantas voltas no grupo de cabeza, ata que os meus brazos dixeron basta e descolgueime. Engancheime a un segundo grupo e ao final acabei noveno”. En resumo, “foi unha boa fin de semana, a verdade. Levamos unha boa experiencia en  K2 e motivación para seguir adestrando cara ao ano que vén”.

The post ROI RODRÍGUEZ, OURO NA COPA DO MUNDO DE SZEGED EN K2-500 METROS appeared first on Máis que Auga | Gimnasio en Vigo | Piscina | Pádel.

]]>
UN ESTUDO REALIZADO EN ESTADOS UNIDOS CONFIRMA QUE É SEGURO FACER EXERCICIO NO XIMNASIO https://maisqueauga.com/un-estudo-realizado-en-estados-unidos-confirma-que-e-seguro-facer-exercicio-no-ximnasio/ Thu, 24 Sep 2020 17:12:10 +0000 https://maisqueauga.com/?p=22905/ The post UN ESTUDO REALIZADO EN ESTADOS UNIDOS CONFIRMA QUE É SEGURO FACER EXERCICIO NO XIMNASIO appeared first on Máis que Auga | Gimnasio en Vigo | Piscina | Pádel.

]]>

Confiamos nas medidas implementadas nos nosos centros. Contamos coa vosa complicidade para que se cumpran e sexan efectivas. Sabemos que, aínda que o risco cero non existe, estamos a facer as cousas ben, pero cando atopamos un informe que nolo confirma, gústanos compartilo convosco.

 

Hoxe traémosvos un estudo realizado en Estados Unidos. Despois de analizar millóns de datos de rexistro de socios en 2.873 ximnasios, clubs deportivos e centros boutique durante tres meses, confirman que “as instalacións relacionadas con fitness son seguras e non contribúen á propagación da COVID-19”.

 

Desde o 1 de maio ata o 6 de agosto de 2020, IHRSA (Asociación Internacional de Saúde, Raqueta e Clubs Deportivos) e MXM (unha empresa de tecnoloxía especializada no seguimento de socios dentro da industria do fitness) examinaron e compararon os datos de rexistro dos socios de varias instalacións deportivas, con taxas de infección informadas. Despois de case 50 millóns de controis, o estudo atopou que un 0,0023 por cento deu positivo por COVID-19 e ademais non hai evidencias de que o contaxio tivese lugar no ximnasio.

 

O presidente de  IHRSA, Brent  Darden, afirmou que “os datos de rexistro demostran que os clubs relacionados coa saúde, cando seguen estritos protocolos de limpeza e seguridade, son seguros. En IHRSA, temos a responsabilidade de educar e informar as persoas que deben sentirse cómodas e seguras ao ir ás instalacións de fitness neste momento por todo o país. Os datos mostran que, cos protocolos de desinfección adecuados, as persoas poden regresar con seguridade ás súas rutinas de adestramento”.

 

Darden insistiu na necesidade de practicar deporte, hoxe máis que nunca: “Facer exercicio nunca foi máis importante para axudar a estimular a nosa inmunidade e mellorar a saúde mental. A actividade física xoga un papel importante non só no mantemento dun sistema inmunolóxico saudable, senón tamén na redución dos factores de risco do COVID-19 como a obesidade, as enfermidades cardíacas, as enfermidades pulmonares e a diabetes”.

 

Podes ler o artigo ao completo na seguinte ligazón:

The post UN ESTUDO REALIZADO EN ESTADOS UNIDOS CONFIRMA QUE É SEGURO FACER EXERCICIO NO XIMNASIO appeared first on Máis que Auga | Gimnasio en Vigo | Piscina | Pádel.

]]>
PLANAZO PARA O DOMINGO 27: A RUTA DO RÍO FRAGA EN MOAÑA https://maisqueauga.com/planazo-para-o-domingo-27-ruta-rio-fraga-en-moana/ Mon, 21 Sep 2020 17:53:49 +0000 https://maisqueauga.com/?p=22830/ The post PLANAZO PARA O DOMINGO 27: A RUTA DO RÍO FRAGA EN MOAÑA appeared first on Máis que Auga | Gimnasio en Vigo | Piscina | Pádel.

]]>

Xa tedes un plan para o domingo 27 de setembro: Imos facer a ruta do río Fraga en Moaña! Serán dez quilómetros á beira do río Fraga en Moaña, cun desnivel duns 300 metros nun terreo algo esvaradío e húmido, para o que recomendamos calzado cómodo de montaña. Unha vez máis, uniremos deporte, familia e natureza, ademais de que seguimos coñecendo lugares que, a pesar de estar moi preto de nós, a veces son descoñecidos. Imos contarvos cal será o plan.

 

Ás 09:30 horas comezaremos a ruta na desembocadura do río Fraga na Praia da Xunqueira. Serán 5 quilómetros de subida, con 300 metros de desnivel. O percorrido non pode ser máis fermoso, con fervenzas, pontes de madeira, muíños e unha vexetación que namora. Aquí tedes o vídeo que prepararon os nosos compañeiros, mentres planificaban a actividade. Seguro que xa vos enganchades!

Ruta río Fraga

Para facer a ruta recomendamos a utilización de bastóns, polo que vos animamos a levalos se tedes e en caso contrario, volos prestaremos nós. Ademais dos bastóns e de calzado de montaña e roupa cómoda, debedes levar auga e algo para comer (froita, barritas enerxéticas, froitos secos…) para o percorrido, que rematará no punto de saída. Así, dende a praia, con todos os que queirades, subiremos en coche ata o mirador de Paralaia, no alto de Moaña. A paisaxe que nos espera valerá e moito a pena, cunha vista privilexiada de toda a ría e as súas bateas, Rande e a fachada litoral de Vigo. Como sempre, os que queirades, podedes quedarvos a comer, xuntos pero non revoltos, xa que teremos o máximo coidado posible para manter as distancias de seguridade. Claro, outro elemento indispensable será a máscara, obrigatoria no noso día a día.

 

Estamos seguros de que xa sabedes onde inscribirvos, pero imos recordarvos os pasos a dar. A inscrición, na recepción de calquera dos nosos centros e para os nosos abonados/as esta actividade é gratuíta, mentres que o resto deberán pagar 4 euros. Iso si, todos tedes que ter o seguro obrigatorio anual, que so hai que pagar unha vez ao ano (son 10 euros e cubre calquera actividade que fagades ao aire libre).

 

Nesta ligazón, tedes o punto de saída.

The post PLANAZO PARA O DOMINGO 27: A RUTA DO RÍO FRAGA EN MOAÑA appeared first on Máis que Auga | Gimnasio en Vigo | Piscina | Pádel.

]]>
O 1 DE OUTUBRO ARRANCA MÁIS QUE PEQUES! https://maisqueauga.com/o-1-de-outubro-arranca-mais-que-peques/ Sun, 20 Sep 2020 17:52:20 +0000 https://maisqueauga.com/?p=22794/ Un pasiño máis… O 1 de outubro volvemos abrir as portas do noso centro infantil en Navia, Máis que Peques, con todas as medidas de prevención necesarias, pero con moitas...

The post O 1 DE OUTUBRO ARRANCA MÁIS QUE PEQUES! appeared first on Máis que Auga | Gimnasio en Vigo | Piscina | Pádel.

]]>
Un pasiño máis… O 1 de outubro volvemos abrir as portas do noso centro infantil en Navia, Máis que Peques, con todas as medidas de prevención necesarias, pero con moitas ganas de volver xogar cos nosos pequenos/as!

 

O horario será de 18:00 a 20:15 horas de luns a venres e haberá un máximo de aforo de 15 nenos/as no centro. Como ben sabedes, hai que cumprir cunhas normas de seguridade, en beneficio de todos. A primeira refírese ao uso da máscara, que será obrigatoria a partir dos seis anos (antes, recomendable).

 

E que normas teremos? En realidade son moi sinxelas de seguir e xa estamos acostumados a elas nesta nova normalidade na que vivimos dende hai uns meses. Antes de entrar tomaremos a temperatura a todos os nenos e nenas, que posteriormente desinfectarán as súas mans, ritual que repetiremos cada media hora. A entrega e recollida dos pequenos farase de un en un, polo que non se poderá acceder ao hall de acceso ata que non quede libre. Por este motivo, se tedes unha clase á queredes asistir, recomendámosvos que veñades con certa antelación. A  roupa de abrigo será depositada polo pai ou nai (so poderá acompañar unha persoa a cada neno) nunha das taquillas que estarán ubicadas no hall de acceso. Máis que Auga desinfectará a taquilla antes e despois da súa utilización.

 

Ademais, é aconsellable que os rapaces leven un calzado específico para estar no centro e tamén poden levar a súa comida (nun recipiente de uso individual), que portará  o pequeno.

 

Pero nada de isto impedirá que os nosos cativos gocen das actividades que lles proporemos en Máis que Peques, onde intentaremos facer a maior cantidade posible de propostas na terraza adxunta. Haberá xogos, bailes, manualidades, debuxo e moito máis para os máis pequenos da casa. E mentres, os pais e nais poderán aproveitar para ir a calquera das nosas clases de sala ou piscina, para acudir á sala fitness, xogar ao pádel… ou o que queirades!

 

Se estades interesados neste servizo, non dubidedes en consultar as súas condicións na recepción do noso centro, xa que tedes a opción de acudir a unha tarifa fixa ao mes ou ben o pago por horas.

The post O 1 DE OUTUBRO ARRANCA MÁIS QUE PEQUES! appeared first on Máis que Auga | Gimnasio en Vigo | Piscina | Pádel.

]]>
ELIXE O MODELO DE MÁSCARA MAIS ADECUADO PARA FACER DEPORTE https://maisqueauga.com/elixe-o-modelo-de-mascara-mais-adecuado-para-facer-deporte/ Wed, 16 Sep 2020 17:57:23 +0000 https://maisqueauga.com/?p=22705/ The post ELIXE O MODELO DE MÁSCARA MAIS ADECUADO PARA FACER DEPORTE appeared first on Máis que Auga | Gimnasio en Vigo | Piscina | Pádel.

]]>

Agora que o uso da máscara é obrigatorio nos ximnasios galegos por orde da Xunta de Galicia, temos que buscar o modelo máis adecuado para practicar deporte nas mellores condicións posibles.

 

A máscara cirúrxica, que é a máis utilizada no día a día, non é a idónea para a práctica deportiva, xa que ao respirar máis rápido e coa suor humedécese, o tecido pégase á cara e ademais estrágase moito antes. Por iso, para o deporte o mellor é apostar polas chamadas máscaras deportivas, que están especialmente fabricadas para deportistas e evitan a sensación de afogo. Estas máscaras están elaboradas a base de tecido, pódense lavar na lavadora e ademais son transpirables.

 

Hoxe en día case todas as marcas deportivas presentaron a súa propia liña de máscaras, polo que poderedes elixir entre unha ampla oferta. No momento da elección debedes fixarvos en aspectos importantes, como o número de usos de cada máscara (cuantos lavados pódense realizar) ou o número de horas que podes usala sen que diminúa a protección. En Máis que Auga temos á venda unha máscara de tea, lavable con filtro e con vinte lavados, ademais cun deseño que é “todo corazón”. Se estades interesados nela, só tedes que preguntar na recepción de calquera dos nosos centros.

 

A continuación, tedes a ligazón cun artigo sobre as claves na elección das máscaras para facer deporte.

The post ELIXE O MODELO DE MÁSCARA MAIS ADECUADO PARA FACER DEPORTE appeared first on Máis que Auga | Gimnasio en Vigo | Piscina | Pádel.

]]>
REGRESA A TÚA CASA… ESPERÁMOSTE! https://maisqueauga.com/regresa-tua-casa-esperamoste/ Tue, 15 Sep 2020 18:32:31 +0000 https://maisqueauga.com/?p=22566/ REGRESA A TÚA CASA... ESPERÁMOSTE!

The post REGRESA A TÚA CASA… ESPERÁMOSTE! appeared first on Máis que Auga | Gimnasio en Vigo | Piscina | Pádel.

]]>

Regresa! Estamos esperándote con todas as medidas de seguridade necesarias, con grandes espazos, coas mellores instalacións, cun plantel profesional e comprometido… Esta é a túa casa e aquí tes o teu espazo.

 

Por iso, do 14 de setembro ao 7 de outubro poñemos en marcha a campaña Regresa, pola que daremos dúas matrículas gratuítas (para o interesado e a persoa á que queira agasallar). Iso si, hai un límite de 200 altas por centro, xa que unha das nosas prioridades é que esteades seguros e cómodos nos nosos centros, polo que non queremos alcanzar o 100% do aforo permitido nestes intres.

 

Que tes que facer para acceder a esta promoción? Moi sinxelo! Só debes rexistrarte en  maisqueauga.com/regresa e recibirás un e-mail de confirmación no teu correo electrónico para darte de alta e ademais un link para reenviar á persoa que ti elixas para que poida incorporarse á familia Máis que Auga sen matrícula.

Sabemos que nestes momentos de incertezas houbo xente que preferiu esperar para ver como avanzaba a pandemia. Pasan os meses e as cousas van amodo, pero o que está demostrado é que en Máis que Auga estableceuse un protocolo de actuación eficaz para garantir a seguridade de traballadores e usuarios. E tamén está confirmado que o corpo humano necesita actividade. Agora máis que nunca. Por iso, queremos invitarte a que volvas á túa casa, onde poderás manter as distancias de seguridade e facer deporte, sen ter que abonar matrícula e coa posibilidade de agasallar a alguén con outra matrícula gratis.

The post REGRESA A TÚA CASA… ESPERÁMOSTE! appeared first on Máis que Auga | Gimnasio en Vigo | Piscina | Pádel.

]]>
A MÁSCARA, OBRIGATORIA DURANTE A PRÁCTICA DEPORTIVA https://maisqueauga.com/mascara-obrigatoria-durante-practica-deportiva/ Thu, 10 Sep 2020 15:31:33 +0000 https://maisqueauga.com/?p=22506/ A máscara, obrigatoria durante a práctica deportiva

The post A MÁSCARA, OBRIGATORIA DURANTE A PRÁCTICA DEPORTIVA appeared first on Máis que Auga | Gimnasio en Vigo | Piscina | Pádel.

]]>
O Diario Oficial de Galicia publicou unha modificación na Orde de medidas de prevención para facer fronte a crise sanitaria provocada pola COVID-19, pola que as máscaras pasan a ser obrigatorias durante a práctica deportiva nos ximnasios. Así, dende hoxe en Máis que Auga a máscara será a nosa compañeira en todo momento, salvo na ducha, cando accedas á lámina de auga ou cando practiques pádel. So quedarán excluídas desta norma as persoas que conten co informe médico preceptivo ou os menores de 6 anos, tal e como aparece establecido na normativa vixente. Ademais, decidimos limitar a sauna e o baño de vapor a un uso individual, polo que tamén poderedes utilizalos sen esa protección.

 

A realidade é que moitos dos nosos usuarios xa estaban a utilizar a máscara mentres facían deporte, pero a partir de agora será obrigatorio. Iso que significa? Pois que aumenta a seguridade aínda máis e que non podemos descoidarnos con respecto ao resto das medidas, como limpar as mans con xel hidroalcohólico ao entrar na instalación e con certa frecuencia durante o tempo que esteades en Máis que Auga, e desinfectar o material que utilicedes para facer deporte antes e despois do uso. Todas estas accións teñen o obxectivo prioritario de protexerte a ti e a todas e todos, polo que necesitamos que colaboredes con nós nesta tarefa. Máis que Auga continuará tomando todas as medidas de prevención necesarias, en materia de limpeza e ventilación das instalacións, así como a disposición de material de desinfección en numerosos puntos de cada centro. Todo isto cun obxectivo prioritario: que esteades seguros e protexidos durante a vosa estancia en Máis que Auga.

 

Se comezas a facer deporte coa máscara, podes ter dúbidas ou sentirte incómodo. Recorda que as e os nosos técnicos/as están aí para aconsellarte sobre os pasos a realizar e se necesitas cambiar a programación do traballo, so tes que consultarlles. Ademais o noso persoal xa estaba traballando na adaptación das clases daquelas actividades máis intensas (bike, bodycombat, etc), polo que mantemos a programación ao completo.

 

Agora máis que nunca, recorda o importante que é seguir activo para reforzar o sistema inmunolóxico e estar fortes! A saúde é o primeiro e precisamente por iso temos que escapar do sedentarismo.

 

Esperámosvos en Máis que Auga para seguir facendo aquelo que nos gusta, nos divirte e nos fai máis fortes!

 

#ContadeConNós porque #ContamosConVós

The post A MÁSCARA, OBRIGATORIA DURANTE A PRÁCTICA DEPORTIVA appeared first on Máis que Auga | Gimnasio en Vigo | Piscina | Pádel.

]]>
O DOMINGO 13 FAREMOS A RUTA CABO HOME, PASANDO POR PRAIAS, MIRADOIROS E FAROS https://maisqueauga.com/el-domingo-13-haremos-la-ruta-cabo-home-con-visita-playas-miradores-y-faros/ Wed, 09 Sep 2020 19:00:25 +0000 https://maisqueauga.com/?p=22387/ The post O DOMINGO 13 FAREMOS A RUTA CABO HOME, PASANDO POR PRAIAS, MIRADOIROS E FAROS appeared first on Máis que Auga | Gimnasio en Vigo | Piscina | Pádel.

]]>

Miúda proposta que temos para este domingo, 13 de setembro! É unha desas marchas que seguro que non vos queredes perder, porque o ten todo: Actividade física, boa compañía, diversión, magníficas vistas, paraxes inesquecibles… A que vos apuntades?  Será a roteiro Cabo Home, con punto de partida na praia de Nerga ás 9:30 horas (08:30 horas, en Máis que Auga Coia). Será un roteiro circular duns 13 quilómetros aproximadamente, no que atravesaremos as praias de  Nerga, Viñó e Barra, visitaremos os tres faros de Cabo Home, pasaremos pola praia de Melide e a Costa da Vela en dirección á famosa Caracola do escultor Lito Portela e o miradoiro do Monte Facho. Sen ningunha dúbida, a subida a Monte Facho é o tramo máis esixente, aínda que a vista ben merece a pena! E regresaremos de novo para finalizar en Nerga, onde poderemos gozar da praia e dunha boa comida en compañía dos nosos compañeiros “marchosos”.

 

Requisitos imprescindibles: Crema protectora para o sol,  viseira ou gorra, roupa e calzado adecuado para realizar un roteiro, auga (xa que só hai unha fonte, no quilómetro 10 aproximadamente), comida para o camiño (froitos secos, froita, algunha  barrita  enérxetica…) e claro, a nosa compañeira infalible nestas últimas semanas: A máscara, para cumprir con todas as normas de seguridade necesarias.

 

Estamos convencidos de que o percorrido vos vai a encantar e moito máis, despois de ver o vídeo que nos prepararon os nosos compañeiros.

Ruta Cabo Home

Así que só vos queda acudir á recepción de calquera dos nosos centros e apuntarvos a esta actividade, que como ben sabedes é gratuíta para os nosos abonados/as e cun prezo de 4 euros para o resto (iso si, hai que contratar o seguro obrigatorio para as actividades no exterior, que ten unha vixencia dun ano e custa dez euros).

 

Na seguinte ligazón, tedes o punto de encontro para comezar a marcha.

The post O DOMINGO 13 FAREMOS A RUTA CABO HOME, PASANDO POR PRAIAS, MIRADOIROS E FAROS appeared first on Máis que Auga | Gimnasio en Vigo | Piscina | Pádel.

]]>
O GRUPO TRAVESÍAS PECHA O SÁBADO 12 A TEMPADA CUNHA SAÍDA EN ALCABRE https://maisqueauga.com/o-grupo-travesias-pecha-o-sabado-12-tempada-cunha-saida-en-alcabre/ Tue, 08 Sep 2020 18:28:40 +0000 https://maisqueauga.com/?p=22297/ O sábado 12 de setembro pecharemos a tempada 2019/20 do grupo Travesías cunha fermosa saída dende a Praia de Alcabre, que terá un percorrido de 2.600 metros. Os nosos peixemans...

The post O GRUPO TRAVESÍAS PECHA O SÁBADO 12 A TEMPADA CUNHA SAÍDA EN ALCABRE appeared first on Máis que Auga | Gimnasio en Vigo | Piscina | Pádel.

]]>
O sábado 12 de setembro pecharemos a tempada 2019/20 do grupo Travesías cunha fermosa saída dende a Praia de Alcabre, que terá un percorrido de 2.600 metros. Os nosos peixemans están citados ás 09:30 horas na Praia de Alcabre, diante do hotel Los Escudos. A travesía partirá dende aí, pasando moi preto do Museo do Mar en dirección a un faro antiguo, e de volta ata Alcabre. Al final, case 2.600 metros para por o broche de ouro a tempada.

O grupo Travesías pecha a tempada máis atípica dende que se formou. O confinamento cortou os adestramentos e o post confinamento limitou case por completo as travesías ante a falta de competicións, polo que houbo que apostar por saídas programadas polo grupo, tentando buscar obxectivos particulares, tal e como nos contou o coordinador do grupo, Alex Brea. “Foi a tempada máis longa e diferente de todas, sen moitos obxectivos, sen travesías, pero gozando da posibilidade de nadar no mar”, manifestou Brea.

 

Tralo confinamento, o grupo volveu primeiro a adestrar nas piscinas e despois no Vao, e tamén fixo algunha saída especial como a de Nigrán ou agora a de Alcabre. Costou arrincar, pero ningún lle pode restar o entusiasmo aos nosos peixes, que cando hai saída ao mar, amosan a súa mellor cara. Nestes encontros xuntábanse unhas 15 ou 20 persoas, dependendo do sábado que fose.

 

E case non hai descanso para os nosos protagonistas. En outubro comezará a nova tempada  e como sempre facemos en inverno cambiamos o mar polas nosas instalacións. Así, os sábados segue a ser o día de encontro, pero imos alternando os centros (Navia, Coia ou Barreiro). Son sesión dunha hora e para participar neste grupo só tes que estar rexistrado nalgún curso de natación de Máis que Auga. Se necesitas máis información, non dubides en preguntar aos nosos técnicos de piscina ou na recepción.

The post O GRUPO TRAVESÍAS PECHA O SÁBADO 12 A TEMPADA CUNHA SAÍDA EN ALCABRE appeared first on Máis que Auga | Gimnasio en Vigo | Piscina | Pádel.

]]>