O sábado 9 de xullo o equipo de running Máis que Auga participou e gozou na proba nocturna 6 Horas Vila do Corpus – Sen Límites (2022), que se celebrou en Ponteareas e en apoio á asociación Down Vigo.
A proba consistía en dar tantas voltas como se puidese a un circuíto de 1 quilómetro de lonxitude durante 6 horas. Había carreira individual e por equipos (de 3 a 6 membros), e nas categorías masculina, feminina e mixta (en equipos).
Como sempre o noso equipo de running envorcouse nesta proba cunha participación de 38 deportistas, dos cales 26 eran mulleres. Houbo participación tanto na carreira individual (8 persoas) como nos equipos (tivemos 3 equipos mixtos e 2 femininos).
E se fantástica pareceunos a participación, que podemos dicir dos resultados! Na clasificación de equipos mixtos, os nosos equipos ocuparon a primeira, terceira e cuarta posición, así que case coparon o podio. Na clasificación por equipos femininos, os nosos conxuntos foron 6º e 10º na clasificación xeral e por último, na proba individual destacar o terceiro posto na categoría feminina de Mónica Vázquez.
A continuación, tedes a ligazón aos resultados: