En Máis que Peques Navia xa temos lista outra cita da programación de ocio en familia a celebrar este sábado 9 de abril de 11.00 a 12.00 horas no Centro de Ocio. Nesta ocasión queremos ofrecervos a oportunidade de participar cos vosos peques dunha sesión de ioga en familia.
A sesión será impartida polo noso monitor Anxo. A idea é xogar xuntos e facer ioga, con posturas (asanas), técnicas de respiración e relaxación, con mudras e mantras (posturas de mans e cantos) para coñecernos mellor e para afianzar a autoestima.
A través de diferentes dinámicas traballarase dunha forma creativa para mellorar a concentración, a memoria, o sentido de equilibrio e a forza (tanto a nivel físico como mental-emocional). Utilizando os sentidos, os ritmos, sons e as capacidades de movernos, descubrindo novas facetas nos nosos fillos e en nós mesmos.
Unha magnífica forma de relaxarse, interactuar e disfrutar, con pequenos.
- Onde: Centro de Ocio Máis que Peques Navia
- Cando: Sábado 9 de abril, de 11.00 h a 12.30 h
- Custe: 6,25 euros familias socias; 14 euros familias non socias
- Pago: 24 horas antes do día no que se levará a cabo a actividade