Tamén temos Galicia Aqua  Summit para os nosos socios/ as! A pesar de que Galicia Aqua  Summit é un evento dirixido a profesionais do sector, desde que  Máis que  Auga empezou a organizar este seminario, sempre quixo que houbese un espazo aberto aos seus socios/ as e  cursillistas. E na edición deste ano, que se celebrará o día 23 de abril en  Máis que  Auga Navia, non podía ser diferente. Galicia Aqua  Summit finalizará con dous  masterclass abertas, de temática ben diferente, que poderán interesar a moita xente.

Ás 19:30 horas comezará “Yohilates”, unha clase que combinará as modalidades de ioga e  pilates, polo que será unha sesión máis relaxada e tranquila. É unha modalidade que comezou a practicarse en sala, pero nesta ocasión teremos a oportunidade de facelo en auga e dirixida por Daniela De Toia (Alemaña), unha profesora cun gran  currículo internacional e que por primeira vez visita España nun evento formativo.

E despois da relaxación do  Yohilates, chegará o momento da festa. Pecharemos o Galicia Aqua  Summit con “Coreo& Party  Night” (20:10 horas), unha clase divertida, con espectáculo de luces, na que a música levará aos participantes para bailar na auga, cunha coreografía sinxela, pero moi animada e festiva.

Sabemos que o plan promete, así que seguro que queredes saber como podedes acudir a calquera destas dúas  masterclass. Pois non pode ser máis sinxelo! Só debedes reservar a vosa praza na recepción de calquera dos nosos centros  Máis que  Auga. Será gratis para socios/ as e  cursillistas ata completar o aforo dispoñible.