Máis que Auga conta actualmente con dous complexos de pádel: Barreiro e Navia. O primeiro en abrir as súas portas foi o de Barreiro, que está formado por 8 pistas de pádel (1 de muro cuberta, 4 de cristal cubertas e 3 de muro descubertas), en réxime de aluguer con vestiarios independentes ao resto da instalación deportiva viguesa. Son pistas regulamentarias, todas elas con 4 portas, pista central de competición, protexidas dos ventos laterais, etc.
O complexo de Navia foi inaugurado en setembro de 2015, coa apertura do Máis que Auga Navia e conta con 8 pistas de pádel cubertas de cristal panorámico (7 dobres e 1 individual). A instalación ten 12 metros de altura e céspede de última xeración e alumeadas con leds tamén de última xeración. Ademais, os vestiarios son exclusivos para os usuarios do complexo de pádel.