Acaba 2019, un ano máis que vivimos xuntos e no que compartimos grandes momentos de diversión, sacrificio, solidariedade, esforzo, risas, complicidade… Nesta despedida do ano só podemos dicir GRAZAS e QUE SEGUIREMOS XUNTOS EN 2020!

Chegou o momento de facer balance e repasar como foi o ano 2019 para a familia  Máis que  Auga. O primeiro dato destacado é que a familia creceu.  Máis que  Auga ten un irmán pequeno, que se chama  MeuFit, e que abriu as súas portas en outubro na localidade de Tomiño. É un novo proxecto de ximnasio de proximidade, para localidades máis pequenas, e que acaba de empezar a dar os seus primeiros pasos.

Obras Coia. Outro dos acontecementos do ano foi a enorme obra de ampliación que se realizou no centro de Coia durante o verán. Unha reforma importantísima, que nos permitiu ampliara sala fitness, dotar ao centro dunha nova sala de actividades e aproveitamos para mellorar o sistema de climatización e de iluminación, así como a compra de novas máquinas de  cardio e o circuíto de adestramento  monotorizado e intelixente E- Gym Visión. En total, un investimento de case 600.000 euros para que o centro de Coia convértase nunha das mellores e máis completas instalacións de Galicia.

EVENTOS

Este ano o  Máis que  Auga de Navia converteuse en sede da fase previa do Vigo Open 2019, correspondente ao World  Padel Tour. Unha oportunidade única para gozar cos mellores xogadores de pádel do mundo que o noso público non desaproveitou. Cada día, as nosas instalacións quedaban pequenas para ver en acción a estes mestres e animar aos nosos xogadores, que renderon a un gran nivel. Máis de cinco mil persoas pasaron por Navia e as nosas instalacións foron eloxiadas por deportistas e organización.

O noso  Festimáis volveu converterse nunha festa familiar, solidaria e única, na que nos envorcamos desde  Máis que  Auga, pero tamén todos e todas vós, que vos sumades á iniciativa e a sumar quilos e quilos de solidariedade con Banco de Alimentos. Nesta segunda edición do  Festimáis entregamos catro toneladas e media de alimentos a esta institución.

Ademais, seguimos sendo fieis na nosa colaboración coa carreira nocturna “Correndo por Vigo”, a San Silvestre, Trofeo  Concello de Vigo de Pádel… Eventos que xa forman parte da nosa axenda cada ano e á que se van incorporando novos retos de forma constante. E tamén continuamos cos nosos patrocinados (Antonio Serrat, Chano Rodríguez, Roi Rodríguez, Óscar Carrera, Aroa Sío, Esther Navarrete, Club Amfiv, Coruxo, Balonmano Lavadores), aos que lles tentamos axudar a acadar as súas metas.

Vivimos xuntos todas as festas (Entroidos, Semana Santa, Nadal), días especiais (Día do Pai e da Nai, dos namorados, o  Samain, os aniversarios dos vosos  niñ@s…), realizamos xuntos o primeiro vídeo colaborativo nun ximnasio, iniciativas solidarias, proxectos de reciclaxe, charlas de formación, coñecemos xuntos novas actividades, axudámosche a comer mellor, axudámosche a recuperarche de lesións, saímos xuntos dos nosos centros para emprender travesías no mar ou carreiras en calquera punto de España ou mesmo o estranxeiro, para facer camiñadas, para adestrar no mar ou correndo pola nosa cidade, formámonos para seguir dándoche o mellor servizo…. Isto foi algo do que fixemos no 2019 e o que queremos facer no 2020! Ano moi importante para nós porque imos cumprir dez anos de vida!