As pistas de pádel de Barreiro servirán de sede para a primeira edición do Torneo Social de Pádel Máis que Auga. O sábado 20 de outubro como explica o responsable de pádel de Máis que Auga, Xoel Tejo, “imos facer un encontro lúdico e social, ao que está convocada toda a familia do pádel”. A xornada ten unha vertente deportiva que se celebra entre as 10.00 e as 20.00 horas con partidos para todos os niveis e categorías masculinas ou femininas, desde as pas mini e junior dos principiantes aos xogadores e xogadoras expertas das pas marrón ou negra.
A festa espera reunir a alumnos, técnicos e membros dos equipos, para compartir un bo momento de ocio tras a xornada deportiva, cunha cea-cóctel a partir das 21.00 que ten un prezo de inscrición de 12€ para os socios de Máis que Auga e 15€ para alumnos ou participantes na actividade de pádel. A sesión estará tamén animada con música e desde Máis que Auga agardamos que este encontro festivo sexa un bo plan para unha fin de semana de comezo da tempada.